نور والے آقا

گمی ہوئی سُوئی مل گئی(حکایت)

ام المؤمنین،صحابیہ بنت صحابی حضرت بی بی عائشہ صدیقہ رضی اللہ عنھا روایت فرماتی ہیں:میں سحری کے وقت گھر میں کپڑے سی رہی تھی کہ اچانک سوئی ہاتھ سے گر گئی اورساتھ ہی چراغ بھی بجھ گیا۔ اتنے میں نور والے آقا صلی اللہ علیہ وآلہ وسلم گھر میں داخِل ہوئے اور سارا گھر نور والے آقا صلی اللہ علیہ وآلہ وسلم کے چہرۂ انور کے نورسے روشن ہو گیا اور گمی ہوئی سوئی مل گئی۔(القول البدیع،الباب الثالث فی التحذیر من ترک الصلاة علیہ عند ذکرہ، ص302)

حضور پر نور صلی اللہ علیہ وآلہ وسلم کی شان نور

قَدْ جَآءَكُمْ مِّنَ اللّٰهِ نُوْرٌ وَّ كِتٰبٌ مُّبِیْنٌ (پ ۶، المآئدہ:۱۵)

ترجمۂ کنز الایمان:بیشک تمہارے پاس اللہ کی طرف سے ایک نور آیا اور روشن کتاب۔

اس آیت مبارکہ میں نور سے مرادحضورسراپانور صلی اللہ علیہ وآلہ وسلم کی ذات ہے۔چنانچِہ امام محمد بن جریر طبری رحمۃ اللہ علیہ (وفات:310ھ)نے فرمایا:”یَعْنِیْ بِالنُّوْرِ مُحَمَّدًا(صلی اللہ علیہ وآلہ وسلم ) یعنی نور سے مراد محمدمصطفےٰ صلی اللہ علیہ وآلہ وسلم ہیں۔(تفسیر طبری،پ6،المائدة، تحت الآية:15، 4/502)“ اس کے علاوہ کئی مفسرین کرام نے ارشاد فرماىا کہ اس آىت مبارکہ مىں موجود لفظ ”نور“سے مراد نبیٔ کرىم صلی اللہ علیہ وآلہ وسلم کی ذات مبارکہ ہے ۔

حضور صلی اللہ علیہ وآلہ وسلم نوری بشر ہیں

اپنے عقائد پر جمے رہنا کیوں ضروری ہے؟

اگر کوئی یہ کہے کہ حضور صلی اللہ علیہ وآلہ وسلم صرف نور ہیں بشر نہیں ہیں یہ کفر ہو جائے گا کیونکہ قرآن کریم نے آپ کو بشر کہا ہے۔ لوگ بحث کر رہے ہوتے ہیں انہیں عِلم نہیں ہوتا،بعض اوقات ایمان خطرے میں پڑ جاتا ہے لہٰذا بحث نہ کی جائے۔ مناظرے اور بحث کرنایہ ماہر فن علما کا کام ہوتا ہے عوام کا نہیں۔ جس کو دیکھو الجھ پڑتا ہے بعض اوقات خود ہی ایسا الجھ کر رہ جاتا ہے کہ اس کو سلجھانا مشکل ہو جاتا ہے، وسوسوں کا شکار ہو جاتا ہے، اس لیے بحث مَت کریں۔

الحمد للہ مسلک حق،مسلک اہل سنت جوہمارے اعلیٰ حضرت اور علمائے اہل سنت نے ہمیں سکھایا اور بتایا ہے اور یقیناً یہ قرآن و حدیث کے عین مطابق ہے لہٰذا اس پر خوب جمے رہیں اور اس کے خلاف کسی کی بھی کوئی بات نہ سنیں۔ مثلاً ہمارے علما نے ہمیں بتایا ہے کہ جشن ولادت منانا جائز ہے،اب اگر کوئی اس کے خلاف کچھ بولتا ہے تو آپ اپنے کان بند کر دیں کہ میں نے نہیں سننا ، جشن ولادت منانا ہے اور بس منانا ہے۔ اگر کوئی کہے:جلوس میلاد نہیں نکالنا چاہیے کہ صحابۂ کرام رضی اللہ عنہم نے نہیں نکالا،تو ہمیں اس کی بات نہیں سننی، ہم تو جلوس میلاد نکالیں گے،شریعت نے اس سے منع بھی تو نہیں کیا اور شریعت جس بات سے منع نہ کرے اور مسلمان خصوصاً علما ،صلحا جس کو اچھا سمجھ کر کریں وہ اللہ پاک کے نزدیک بھی اچھا ہوتا ہے۔

حضرت سیدنا عبد اللہ بن مسعود رضی اللہ عنہ فرماتے ہیں:”فَمَا رَأَى الْمُسْلِمُوْنَ حَسَنًا فَهُوَ عِنْدَ اللهِ حَسَنٌ یعنی جس شے کو مسلمان اچھا سمجھىں وہ اللہ کے ىہاں بھى اچھى ہوتى ہے ۔“(مسند امام احمد، مسند عبد اللّٰہ بن مسعود، 2/ 16،حدیث:3600)

بہرحال عوام کسی سے بحث نہ کریں جو کچھ عُلَمائے اہلِ سُنَّت فرماتے ہیں آنکھیں بند کر کے ان کے پیچھے چلتے رہیں اِنْ شَآءَ اللّٰہ جنَّت میں پہنچ جائیں گے۔ سب کی سنیں گے تو کہیں ایسا نہ ہو کہ راستہ بھول جائیں،بعض لوگوں کی یہ عادت ہوتی ہے کہ ”سُنو سب کی کرو اپنے مَن کی“ایسا نہیں کرنا صِرف اپنوں ہی کی سننی ہے ،دوسروں کی سننے سے کان بہرے رکھیں گے تو ہی منزل ملے گی ،ورنہ گمراہی کہہ کر نہیں آتی۔

سرکار عَلَیْہِ السَّلَام مسکراتے تو دَرو دِیوار روشن ہو جاتے

نور والے آقا کے نورانی ہاتھ کا معجزہ

ہم غریبوں کی قبر میں پیارے آقا صلی اللہ علیہ وآلہ وسلم کے جَلوے ضَرور ہوں گے اور اِنْ شَآءَ اللہ ہماری قبر بھی روشن ہو جائے گی۔ایک بار جب سرکار صلی اللہ علیہ وآلہ وسلم کی رحمت بھری اور نور بھری تشریف آوری ہو جائے گی تو پھر اِنْ شَآءَ اللّٰہ ہمیشہ یعنی قیامت تک ہماری قبر روشن اور جگمگاتی رہے گی۔

دانتوں کے دَرمیان سے نور کی کرنیں نکلتی تھیں

اس حدیث پا ک کی شرح میں مفتی احمد یار خان رحمۃ اللہ علیہ فرماتے ہیں:آگے والے اوپر نیچے کے چار دانتوں کو رباعیہ کہتے ہیں،ان سے متصل(یعنی ملا ہوا)ایک ایک دانت ثنائی کہلاتے ہیں،حضور صلی اللہ علیہ وآلہ وسلم کے ثنائیہ دانت رباعیہ سے بالکل ملے ہوئے نہ تھے بلکہ ان کے درمیان باریک کھڑکیاں تھیں(یعنی باریک باریک گیپ تھے)یہ بھی حسن کا بہترین مجموعہ ہے، یہ نور دن میں بھی دیکھا جاتا تھا مگر رات میں تو دانتوں کے اس نور سے سوئی تلاش کر لی جاتی تھی۔( مراٰۃ المناجیح،8/62 ملتقطاً)

مولٰى! کس کے نُور نے ہمیں ڈھانپ لیا؟

14 ہزار سال پہلے ...

اے اللہ! مجھے سراپا نور بنا دے

اَللّٰهُمَّ اجْعَلْ لِيْ نُوْرًا فِيْ قَلْبِيْ، وَنُوْرًا فِيْ قَبْرِيْ، وَنُوْرًا مِّنْ بَيْنِ يَدَيَّ، وَنُوْرًا مِّنْ خَلْفِيْ، وَنُوْرًا عَنْ يَمِيْنِيْ، وَنُوْرًا عَنْ شِمَالِيْ، وَنُوْرًا مِّنْ فَوْقِيْ، وَنُوْرًا مِّنْ تَحْتِيْ، وَنُوْرًا فِيْ سَمْعِيْ، وَنُوْرًا فِيْ بَصَرِيْ، وَنُوْرًا فِيْ شَعْرِيْ، وَنُوْرًا فِيْ بَشَرِيْ، وَنُوْرًا فِيْ لَحْمِيْ، وَنُوْرًا فِيْ دَمِيْ، وَنُوْرًا فِيْ عِظَامِيْ، اَللّٰهُمَّ اَعْظِمْ لِيْ نُوْرًا،وَاَعْطِنِيْ نُوْرًا، وَاجْعَلْ لِيْ نُوْرًا

یعنی اے اللہ!میرے دِل میں نور، میری قبر میں نور، میرے آگے نور، میرے پیچھے نور، میرے دائیں نور، میرے بائیں نور، میرے اوپر نور، میرے نیچے نور، میرے کانوں میں نور، میری آنکھوں میں نور، میرے بالوں میں نور، میری جِلد میں نور، میرے گوشت میں نور، میرے خون میں نور، میری ہڈیوں میں نور کر دے۔ اے اللہ! میرے نور میں مزید اِضافہ فرما، مجھے نور عطا فرما اور مجھے سراپا نور بنا دے۔( ترمذی، کتاب الدعوات، 5/ 265، حدیث:3430)

جبریل انسانی شکل میں

فَاَرْسَلْنَاۤ اِلَیْهَا رُوْحَنَا فَتَمَثَّلَ لَهَا بَشَرًا سَوِیًّا (پ۱۶،مریم:۱۷)

ترجمۂ کنز الایمان : تو اس کی طرف ہم نے اپنا روحانی بھیجا وہ اِس کے سامنے ایک تندرست آدمی کے روپ میں ظاہر ہوا ۔

ملَک الموت انسانی شکل میں