اہلسنّت کا سیدھا راستہ اور دین کی ضروری باتیں

واضح رہے کہ یہاں ”عوام“ سے مراد وہ مسلمان ہیں جو عُلَما کے طبقہ میں شمار نہ کئے جاتے ہوں مگر عُلَما کی صحبت میں بیٹھنے والے ہوں اور علمی مسائل کا ذوق رکھتے ہوں۔( بہار شریعت،1/172، حصہ: 1 بتغیر قلیل)

عقیدہ ٔ ختمِ نبوت ان اجماعی عقائد میں سے ہے جس کو اسلام کے اصول اور ضروریاتِ دین میں شمار کیا گیا ہے اس لئے عہدِ نبوت سے لے کر آج تک ہر مسلمان بلا کسی تاویل وتخصیص کے آپ صلی اللہ علیہ وآلہ وسلم کے خاتم النبیین ہو نے پر ایمان رکھتا آیا ہے جیساکہ

علّامہ ابنِ نجیم المصری رحمۃ اللہ علیہ فرماتے ہیں:

اِذَا لَمْ یَعْرِفْ اَنَّ مُحَمَّدًا صَلَّی اللہ عَلَیْہِ وَسَلَّمَ آخِرُ الْاَنْبِیَاءِ فَلَیْسَ بِمُسْلِمٍ لِاَنَّہٗ مِنَ الضَّرُوْرِیَّاتِ

یعنی, جو شخص یہ نہ مانے کہ محمد صلی اللہ علیہ وآلہ وسلم انبیا میں سب سے آخری نبی ہیں وہ مسلمان نہیں کیونکہ حضور کا آخر الانبیا ہونا ضروریاتِ دین سے ہے۔ (الاشباہ والنظائر،ص161)

امامِ اہلِ سنت مولانا شاہ امام احمد رضا خان رحمۃ اللہ علیہ نے ختم نبوت سے متعلق فتویٰ دیتے ہوئے فرمایا: حضورپرنور خاتم النبیین ،سید المرسلین صلی اللہ علیہ وآلہ وسلم کا خاتم یعنی بعثت میں آخرجمیع انبیاء و مرسلین بلا تاویل و بلا تخصیص ہونا ضروریاتِ دین سے ہےجو اس کا منکر ہو یا اس میں ادنیٰ شک و شبہ کو بھی راہ دے کافر مرتد ملعون ہے۔ (فتاویٰ رضویہ،14/333)

مفتی محمد امجد علی اعظمی رحمۃ اللہ علیہ فرماتے ہیں:کسی ایک ضرورتِ دینی کے انکار کو کفر کہتے ہیں، اگرچہ باقی تمام ضروریات کی تصدیق کرتا ہو۔( بہارِ شریعت، حصہ:اول، 1/172) مثلاً کوئی شخص رسول اللہ صلی اللہ علیہ وآلہ وسلم کو آخری نبی نہ مانے اگر چہ باقی تمام ضروریاتِ دین مانتا ہو تو ایسا شخص کافر اور اس کے نیک اعمال باطل ہیں اور شرک کے معنی غیرِ خدا کو واجب الوجود یا مستحق عبادت جاننا ہے۔( بہارِ شریعت،حصہ: اول، 1/183) چنانچہ ارشاد ہوتا ہے:

وَ الَّذِیْنَ كَذَّبُوْا بِاٰیٰتِنَا وَ لِقَآءِ الْاٰخِرَةِ حَبِطَتْ اَعْمَالُهُمْؕ-هَلْ یُجْزَوْنَ اِلَّا مَا كَانُوْا یَعْمَلُوْنَ (پ9،الاعراف:147)

ضروریات دین اور فرائض کا سیکھنا فرض ہےاور واجبات کا سیکھنا واجب اور سنتوں کا سیکھنا سنت اور مستحبات کا سیکھنا مستحب ۔ اب ہر مسلمان پر لازم ہے کہ وہ پوچھ پوچھ کر فرائض وواجبات کو جانے تاکہ اس پر عمل ہوسکے اور حرام وناجائز باتوں کو معلوم کرکےبچ سکے۔

اس کے بالمقابل حرام قطعی کا جاننا فرض اور مکروہ تحریمی کا واجب،سیکھنے کے لیے بہرحال پوچھنا ضروری ہے۔البتہ ایسی باتوں کے بارے میں سوال کرنا ممنوع ہے جو نہ مامور ہوں نہ منہی عنہ ہوں نہ اس پر عمل کرنا یا اس پر اعتقاد رکھنا ضروری ہومثلاً حضرت آدم علیہ السلام نے جنت میں سب سے پہلے کیا چیز کھائی ؟دنیا میں تشریف لائے تو سب سے پہلے کیا کھایا ؟کیا لباس استعمال کیا؟کیسا گھر بنایا وغیرہ وغیرہ یا ایسی باتوں کے بارے میں پوچھا جس کا واقعہ ہونا معتذر(مشکل) ہو۔( نزہۃ القاری،5/923) (فیضان ریاض الصالحین، 7/ 407- 406)

ضروریات دین کے منکر کا حکم

ضروریات مذہب اہلسنت و جماعت کا ثبوت

ندائے یارسول اللہ صلی اللہ علیہ وآلہ وسلم

صحیح مسلم میں حضرت سیدنا براء رضی اللہ عنہ سے روایت ہے جوحضور اقدس صلی اللہ علیہ وآلہ وسلم کے مدینۂ پاک میں داخلے کا منظر بیان کرتے ہوئےفرماتے ہیں: عورتیں اور مرد گھروں کی چھتوں پر چڑھ گئے اور بچے اور غلام گلی کوچوں میں متفرّق ہو گئے۔ نعرے لگاتے پھرتے تھے، یَامُحَمَّدُ یَارَسُوْلَ اللّٰہِ، یَامُحَمَّدُ یَارَسُوْلَ اللّٰہِ۔ (صحیح مسلم،کتاب الزھد والرقائق، باب فی حدیث الھجرة…الخ،ص1608، حدیث:2009)

نماز میں ہر مسلمان کا عمل

حضرت سیّدنا عبداللہ بن عمر رضی اللہ عنھما کا عمل

اعلیٰ حضرت امامِ اہلسنّت امام احمد رضا خان رحمۃ اللہ علیہ ارشاد فرماتے ہیں: اور یہ اَمر ان دو صحابیوں کے سوا اَوروں سے بھی مَروی ہوا ۔ اہلِ مدینہ میں قدیم سے اس ’’یَا مُحَمَّدَاہ‘‘ کہنے کی عادت چلی آتی ہے۔ (فتاویٰ رضویہ ،29/552)

اہلسنّت وجماعتِ اہلِ حق کا یہ عقیدہ ہے کہ انبیائے کرام اپنے مزاراتِ طیّبہ میں زندہ ہیں انھیں روزی دی جاتی ہے جیسا کہ حدیث شریف سے بھی یہ بات ثابت ہے تو سیّد الانبیاء کی حیات میں پھر کیسے شبہ ہوسکتا ہے اس لحاظ سے یارسول اللہ کہہ کر پکارنے کے جواز میں کسی قسم کا شک کیا ہی نہیں جاسکتا ہے کہ اللہ کی عطا سے زندہ بھی ہیں اور فریاد کرنے والے کی فریاد سنتے بھی ہیں اور اللہ کی عطا سے مدد کرنے پر قادر بھی ہیں تو ان تمام باتوں میں سے کوئی بات خلافِ شرع نہیں سب جائز و درست اور علمائے حق کی تصریحات سے ان کا جواز ثابت ہے ۔ بعض انکار کرنے والے اس عقیدۂ حقّہ ثابتہ سے غافل ہونے کی بناء پر بھی انکار کرتے ہیں اور بعض جانتے بوجھتے عِنادًا انکار کرتے ہیں اور فضائلِ مصطفےٰ صلی اللہ علیہ وآلہ وسلم سے چڑتے ہیں اللہ تعالی ایسوں کو ہدایت نصیب فرمائے۔

استِمداد واستِعانت

فَاِنَّ اللّٰهَ هُوَ مَوْلٰىهُ وَ جِبْرِیْلُ وَ صَالِحُ الْمُؤْمِنِیْنَۚ-وَ الْمَلٰٓىٕكَةُ بَعْدَ ذٰلِكَ ظَهِیْرٌ(پ٢٨،التحريم:٤)

ترجمہ کنز الایمان: تو بےشک اللہ ان کا مددگار ہے اور جبریل اور نیک ایمان والے اور اس کے بعد فرشتے مدد پر ہیں ۔

حدیث شریف میں حضرت سیّدُنا عتبہ بن غزوان رضی اللہ عنہ سے روایت ہے کہ حضور پر نورسید العالمین صلی اللہ علیہ وآلہ وسلم فرماتے ہیں :جب تم میں سے کسی کی کوئی چیز گم ہوجائے اور مدد چاہے اور ایسی جگہ ہو جہاں کوئی ہمدم نہیں تو اسے چاہئے یوں پکارے : اے اللہکے بندو! میری مدد کرو، اے اللہ کے بندو! میری مدد کرو ،کہ اللہکے کچھ بندے ہیں جنہیں یہ نہیں دیکھتا۔

یاد رہے! اللّٰہتعالیٰ کے پیارے نبی اور ولی اپنی قبور میں زندہ ہوتے ہیں۔ تو جس طرح زندگی میں ان سے توسّل کرنا اور مددمانگناجائز ہے اسی طرح ان کے وصال کے بعد بھی جائز ہے۔

توسّل کرنا

ان کو وسیلہ بنانا قرآن وسنّت اور سلف صالحین کے عمل سے ثابت ہے،چُنانچہ

آیتِ مبارکہ: اللہ تعالیٰ فرماتا ہے:

یٰۤاَیُّهَا الَّذِیْنَ اٰمَنُوا اتَّقُوا اللّٰهَ وَ ابْتَغُوْۤا اِلَیْهِ الْوَسِیْلَةَ (پ٦،المائدة:٣٥)

ترجمۂ کنزالایمان:اے ایمان والو! اللہ سےڈرو اور اس کی طرف وسیلہ ڈھونڈو۔

حدیث پاک:سرکار صلی اللہ علیہ وآلہ وسلم نے خود ایک نابینا شخص کو ایک دعاکے ذریعے وسیلہ کی تعلیم ارشاد فرمائی، چُنانچہ ترمذی شریف میں حضرت عثمان بن حُنَیْف رضی اللہ عنہ سے روایت ہے :ایک نابینا بارگاہِ رسالت صلی اللہ علیہ وآلہ وسلم میں حاضرِ خدمت ہوا اور عرض کی کہ آپ صلی اللہ علیہ وآلہ وسلم اللہ تعالیٰ سے دعا کریں کہ وہ مجھے آنکھ والا کردے۔ حضور صلی اللہ علیہ وآلہ وسلم نے فرمایا:اگر تو چاہے تو میں تیرے لیے دعا کروں اور اگر تو چاہے تو صبر کرکہ وہ تیرے لیے بہتر ہے۔ عرض کی کہ دعا فرمائیں، حضور صلی اللہ علیہ وآلہ وسلم نے اسے حکم دیاکہ اچھا وضو کرو، دور کعت نمازپڑھو اور یہ دعا کرو :اے اللہ میں تجھ سے مانگتا ہوں اور تیری طرف محمد صلی اللہ علیہ وآلہ وسلم کے وسیلہ سے توجہ کرتا ہوں جو نبی رحمت صلی اللہ علیہ وآلہ وسلم ہیں ،یارسولَ اللہ صلی اللہ علیہ وآلہ وسلم !میں آپ کے وسیلے سے اپنے رب کی طرف اپنی اس حاجت میں توجہ کرتا ہوں تو اسے پوری فرمادے۔ اے اللہ پاک!میرے بارے میں حضور صلی اللہ علیہ وآلہ وسلم کی شفاعت قبول فرما (ترمذی،احادیث شتی،باب 118، 5/336،حدیث:3589)(راوی بیان فرماتے ہیں)کہ وہ شخص جب آپ کے فرمانے کے مطابق دعاکرکے کھڑا ہوا وہ آنکھ والا ہوگیا ۔ (معجم کبیر، 9 /31، حدیث: 8311)

ایصالِ ثواب

حضرت عائشہ رضی اللہ عنہ سے روایت ہے کہ ایک شخص نے نبی کریم صلی اللہ علیہ وآلہ وسلم کی خدمت میں عرض کیا کہ میری والدہ کا اچانک انتقال ہوگیا اور میرا گمان ہے کہ اگر وہ کچھ کہتیں تو صدقے کا کہتیں پَس اگر میں ان کی طرف سے صدقہ کروں تو کیا اُنہیں ثواب پہنچے گا فرمایا: ’’ہاں‘‘۔ (صحیح البخاری،کتاب الجنائز،باب موت الفجاة البغتة،2/468،حدیث:1388)

شاہ ولِیُّ اللہ مُحدّ ث دہلوی رحمۃ اللہ علیہ جو کہ نذر و نیاز،چالیسواں، تیجہ، دسواں ایصالِ ثواب کے قائل تھے، لکھتے ہیں’’شاہ عبدُ الرّحیم صاحب فرماتے ہیں کہ حضرت رسول اللہ صلی اللہ علیہ وآلہ وسلم کے یومِ وصال میں ان کے پاس نیاز دینے کے لیے کوئی چیز میسّر نہ تھی۔ آخرکار کچھ بُھنے ہوئے چنے اور گُڑھ پر نیاز دی۔ رات میں نے دیکھا کہ نبی کریم علیہ الصلاۃ والسلام کے پاس انواع و اقسام کے کھانے حاضر ہیں اور ان میں وہ گُڑھ اور چنے بھی ہیں ،آپ نے کمالِ مُسرّت واِلتِفات فرمایا اور انہیں طلب فرمایا اور کچھ آپ نے تَناوُل فرما یا اور کچھ آپ نے اَصحاب میں تقسیم کردیا۔ (انفاس العارفین ،ص76)

فوت شُدہ مسلمانوں کے ایصالِ ثواب کے لئے عموماً قرآن خوانی اور محفلِ ذکر و نعت کا اہتمام کیا جاتاہے نیز کھانا وغیرہ بھی پکاکر تقسیم کیا جاتا ہے، اگر اس طرح کا اہتمام فوت ہونے کے دوسرے روز ہوتو اسے دوجہ ،تیسرے روز ہوتو تیجہ ،دسویں روز ہوتو دسواں، چالیسویں روز ہوتو چالیسواں یا چہلم اور سال کے بعد ہوتو برسی کہتے ہیں ایک دو دن آگے پیچھے بھی ہوجائیں تو دسواں بیسواں یا چالیسواں ہی کہلاتا ہے ۔

بزرگانِ دین کے ا َعراس میں ذکرُ اللّٰہ،نعت خوانی اور قرآنِ پاک کی تلاوت اور اس کے علاوہ دیگر نیک کام کر کے ان کو ایصالِ ثواب کیا جاتاہے اور ایصالِ ثواب کے جائز اور مستحسن ہونے کے دلائل اوپر ذکر کئے جاچکے ہیں ۔

گیارہویں شریف کی نیازدلانا جائز ہے۔یہ ہم حضور سیّدُنا غوثِ پاک رضی اللہ عنہ کی بارگاہ میں ایصالِ ثواب کرنے کے لئے کرتے ہیں اور یہ عمل جائز و مستحسن اور باعثِ اَجر وثواب ہے بزرگوں سے نسبت و محبّت کی علامت ہے جو سعادت مندی کی دلیل ہے ۔

کسی بزرگ کا عُرس منانا

بزرگانِ دین اولیاءِ کرام رحمہم اللہ تعالیٰ کا عرس منانے سے مقصود ان کی یا د منا نا اور ان کو ایصالِ ثواب کرنا ہوتا ہے اس لئے ان کے عُرس کا انعقاد کرنا شرعاً جائز و مستحسن اور اجر وثواب کا ذریعہ ہے ۔

پُختہ مزار اور قُبّہ بنانا

علامہ ابنِ عابدین شامی رحمۃ اللہ علیہ فرماتے ہیں:’’اگرمیّت مشائخ اورعلماء اورساداتِ کرام میں سے ہو تواس کی قبر پر عمارت بنانامکروہ نہیں ہے۔‘‘( ردالمحتار، کتاب الصلاة، مطلب فی دفن المیت، 3/170)

مزارات پر پھول چادر ڈالنا

شریعتِ مطہرہ میں قبورپر چادر چڑھانا بلاشبہ جائز اور مستحسن عمل ہے کہ اس سے صاحبِ مزار کی تعظیم و عظمت کا اظہا ر ہو تا ہے۔

زیارتِ قبور

مزید ترمذی شریف کی روایت میں ہے:’’رسولُاللہ صَلَّی اللہ تَعَالٰی عَلَیْہِ وَاٰ لِہٖ وَسَلَّم نے ارشاد فرمایا کہ میں نے تم کو قبروں کی زیارت سے منع کیا تھا تو اب محمد صَلَّی اللہ تَعَالٰی عَلَیْہِ وَاٰ لِہٖ وَسَلَّم کو اجازت دے دی گئی ہے اپنی والدہ کی قبر کی زیارت کی، لہٰذا تم بھی قبروں کی زیارت کرو بے شک وہ آخرت کی یاد دلاتی ہے۔( ترمذی،کتاب الجنائز، باب ماجاء فی الرخصة فی زیارة القبور،2/330،حدیث:1056)

اعلیٰ حضرت امامِ اہلسنّت مجدّدِدین وملّت مولاناشاہ احمد رضا خان عَـلَيْهِ رَحْمَةُ الـرَّحْمٰن مزارات پر حاضری کی تفصیل یوں ارشادفرماتے ہیں:’’مزارات شریفہ پر حاضر ہونے میں پائنتی کی طرف سے جائے اور کم از کم چارہاتھ کے فاصلہ پر مُواجہہ میں کھڑا ہو اور متوسّط آواز بادب سلام عرض کرے:اَلسَّلاَمُ عَلَیْکَ یَا سَیّدِی وَرَحْمَۃُ اللہ وَبَرَکَاتُہٗپھر درودِ غوثیہ تین بار، الحمد شریف ایک بار ، آیۃُ الکرسی ایک بار ، سورۂ اخلاص سات بار ، پھر درودِ غوثیہ سات بار اور وقت فرصت دے تو سورۂ یٰسین اور سورۂ ملک بھی پڑھ کر اللہ عَزَّ وَجَلَّ سے دعا کرے کہ الٰہی عَزَّوَجَلَّ! اس قراءت پر مجھے اتناثواب دے جو تیرے کرم کے قابل ہے نہ اُتنا جو میرے عمل کے قابل ہے اور اُسے میری طرف سے اس بندۂ خدامقبول کو نذر پہنچا پھر اپنا جو مطلب جائز شرعی ہو اُس کے لئے دعاکرے اور صاحبِ مزار کی روح کو اللہ عَزَّ وَجَلَّ کی بارگاہ میں اپنا وسیلہ قراردے ، پھر اُسی طرح سلام کرکے واپس آئے، مزار کو نہ ہاتھ لگائے نہ بوسہ دے اور طواف بالاتفاق ناجائز ہے اور سجدہ حرام ۔‘‘( فتاوی رضویہ ، 9/522)

نذر ونیاز

تبرّکات کی تعظیم

(۱)…تابوتِ سکینہ جس میں حضرت موسیٰ و ہارون علیہما الصلاۃ والسلام کے تبرکات تھے ان سے بنی اسرائیل کا برکت و فائدہ حاصل کرنا دوسرے پارے میں موجود ہے۔

(۲)…حضرت یوسف علیہ الصلاۃ والسلام کی قمیض مبارک سے حضرت یعقوب علیہ الصلاۃ والسلام کی آنکھوں کا صحیح ہوجانا سورۂ یوسف میں مذکور ہے۔ (۳)…حضور نبی کریم صلی اللہ علیہ وآلہ وسلم کے بال مبارک، وضوکے بچے ہوئے پانی، ناخنوں کے تراشے، چادر مبارک، تہبند مبارک، پیالہ مبارک، انگوٹھی مبارک سے صحابۂ کرام کا برکت حاصل کرنا بکثرت احادیث سے ثابت ہے ۔

اذان و اقامت سے قبل درودِ پاک پڑھنا

ترجمۂ کنزالایمان: بیشک اللہ اور اس کے فرشتے درود بھیجتے ہیں اس غیب بتانے والے(نبی)پر اے ایمان والو، ان پر درود اور خوب سلام بھیجو۔

قرآنِ پاک کی اس آیتِ مبارکہ میں اللہ عزوجل نے درودِ پاک پڑھنے کا حکم دیا اور اس میں نہ تو کوئی الفاظ مقرّر فرمائے کہ انہیں الفاظ کے ساتھ درود پڑھو اور نہ ہی کسی وقت کی قید لگائی ہے کہ اِس وقت پڑھو اور اُس وقت نہ پڑھو ۔

حدیث شریف میں ہے :’’جس نے اسلام میں ایک اچھا طریقہ ایجاد کیا تو اس کے لیے اس کا اجر ہے اور جو اس پر عمل کریگا اس کااجر ایجاد کرنے والے کو بھی ملے گا۔‘‘( صحیح مسلم،کتاب الزکاة، باب الحث على الصدقة۔۔۔الخ ،ص508،حدیث:1017)

الحمد للہ عزوجل! اذان سے قبل درود شریف پڑھنا بھی مسلما نو ں کے اندر رائج ہے اور اگر یہ کسی حدیث شریف سے ثابت نہ بھی ہو تب بھی کارِ ثواب ہے کہ دینِ اسلا م میں جس نے اچھا کام شروع کیا اللہ تعالیٰ اسے نیک عمل کا ثواب عطافرمائے گا اور جتنے لو گ اس پر عمل کریں گے ان کے برابربھی اس شخص کو ثواب عطا کیا جائے گا ۔

یاد رہے ! اذان واقامت سے پہلے درود میں یہ احتیاط کرنی چاہئے کہ درود شریف پڑھنے کے بعد کچھ وقفہ کرے پھر اذان یا اقامت کہے تاکہ درود شریف اور اذان واقامت کے درمیان فاصلہ ہو جائے یا درود شریف کی آواز اذان و اقامت کی آواز سے پَست رہے تاکہ دونوں کے درمیان فرق رہے اور درود شریف کو اقامت کا جُزء نہ سمجھیں۔اس طرح اذان واقامت پڑھنے والا خوش نصیب صلوٰۃ و سلام کی برکتوں سے بھی مستفید ہوتا رہے گا۔

انگوٹھے چومنا

علامہ ابنِ عابدین شامی رحمۃ اللہ علیہ فرماتے ہیں:’’مستحب یہ ہے کہ جب پہلی شہادت سنے تو کہے:صَلَّی اللہ عَلَیْکَ یَا رَسُوْلَ اللہ اور جب دوسری سُنے تو دونوں انگوٹھے اپنی دونوں آنکھوں پر لگانے کے بعدکہے:قَرَّتْ عَیْنِیْ بِکَ یَارَسُوْلَ اللّٰہِپھر یہ کہے اَللّٰھُمَّ مَتِّعْنِیْ بِالسَّمْعِ وَالْبَصَرِتو حضور صلی اللہ علیہ وآلہ وسلم جنّت کی طرف اس کے قائد ہونگے جیسے کہ کَنْزُ الْعِباد اور الفتاوی الصّوفیۃ میں ہے اور کتابُ الفردوس میں ہے کہ جس نے اذان میںاَشْھَدُ اَنَّ مُحَمَّدًا رَّسُوْلُ اللّٰہِسننے کے بعد اپنے دونوں انگوٹھوں کو بوسہ دیا توجنّت کی صفوں میں، میں اس کا قائد اور داخل کرنے والا ہوں گا۔( ردالمحتار،کتاب الصلاة، مطلب فی کراہۃ تکرار الجماعۃ فی المسجد،2/84)

اعلیٰ حضرت امامِ اہلِ سنّت مجدّدِ دین و ملّت امام احمد رضا خان رحمۃ اللہ علیہ مسندُالفردوس کے حوالے سے فرماتے ہیں:’’حضرت ابو بکر صدیق رضی اللہ عنہ سے مَروی ہے کہ جب آپ رضی اللہ عنہ نے مؤذّن کو اَشْھَدُ اَنَّ مُحَمَّدًا رَّسُوْ لُ اللہ کہتے سُنا یہ دُعا پڑھی اور دونوں کلمے کی انگلیوں کے پورے جانبِ زیریں سے چُوم کر آنکھوں سے لگائے، اس پر حضورِ اَقدس صلی اللہ علیہ وآلہ وسلم نے فرمایا: جو ایسا کرے جیسا میرے پیارے نے کیا اس کے لئے میری شفاعت حلال ہوجائے۔ (فتاویٰ رضویہ،5/432)

کیونکہ یہ چیزیں اصل کے اعتبار سے جائز ہیں جب تک کہ شریعت منع نہ کردے۔ یہی وجہ ہے کہ اذان کے علاوہ بھی محبت و تعظیم کی وجہ سے حضورسرورِ دوعالَم صلی اللہ علیہ وآلہ وسلم کا نامِ مبارک سن کر انگوٹھے چوم کر آنکھوں سے لگانا جائز ومستحسن ہے۔

قبر پر اذان

اور یہ اَمر بھی احادیثِ صحیحہ سے ثابت ہے کہ اذان دینے سے شیطان بھاگتا ہے جونہی اذان کی آواز اس کے کان میں پڑتی ہے جس جگہ اذان دی جارہی ہو وہاں سے کوسوں دور بھاگ جاتا ہے چُنانچہ صحیح مسلم میں جابر رضی اللہ عنہ سے مروی کہ حضور صلی اللہ علیہ وآلہ وسلم فرماتے ہیں: ’’شیطان جب اذان سنتا ہے اتنی دور بھاگتا ہے جیسے روحا۔‘‘اور روحا مدینہ سے 36میل کے فاصلہ پر ہے۔ (صحیح مسلم،کتاب الصلاة،باب فضل الاذان وھرب۔۔۔الخ، ص204، حدیث:388)

نماز کے بعد ذکر

صحیح مسلم میں ہے: حضرت ابنِ عباس رضی اللہ عنھما سے مروی ہے:’’فرائض سے فارغ ہو کر بلند آواز سے ذکراللہ کرنا حضور صلی اللہ علیہ وآلہ وسلم کے زمانہ میں مُروّج تھا۔‘‘ (صحیح مسلم،کتاب المساجد،باب استحباب الذكر بعد الصلاة، ص294،حدیث:583)

تنبیہ: بلند آواز سے ذکر کرنے میں یہ احتیاط پیشِ نظر رہے کہ سوتے ہوئے لوگوں کی نیند میں خَلل نہ آئے یا نماز ی یا تلاوت کرنے والے کوتشویش نہ ہو۔

بڑی راتوں میں عبادت

شِرک و بدعت

’’توحید کا معنی اللہ تعالیٰ کی ذاتِ پاک کو اس کی ذات او رصفات میں شریک سے پاک ماننا یعنی جیسا اللہ تعالیٰ ہے ویسا ہم کسی کو نہ مانیں اگر کوئی اللہ عزوجل کے سوا کسی دوسرے کو ’’اللّٰہ‘‘تصوّر کرتا ہے تو وہ ذات میں شِرک کرتا ہے۔ اسی طرح اللہ جیسی صفات کسی اور کے لئے ماننا یہ صفات میں شرک ہے۔‘‘

بدعت سے مراد ہر وہ نیا کام ہے جو سرکار صلی اللہ علیہ وآلہ وسلم کے مبارک دور میں نہ تھا بعد میں کسی نے اس کو شروع کیا، اب اگر یہ کام شریعت سے ٹکراتا ہے تو اس بدعت کو بدعتِ سَیّئہ یعنی بُری بدعت کہتے ہیں، اسی کے بارے میں سرکار صلی اللہ علیہ وآلہ وسلم نے ارشاد فرمایا کہ یہ مَردود ہے اور وہ نیا کام جو قرآن و سنّت کے خلاف نہیں ہے اسکو بدعتِ مُباحہ یا حَسَنَہ یعنی اچھی بدعت کہتے ہیں یعنی حکم کے اعتبار سے مُباح ہے تو مُباحَہ اور مستحسن ہے تو حَسَنَہ بلکہ بعض بدعاتِ حَسَنَہ تو واجِبَہ بھی ہوتی ہیں جس کی تفصیل آگے آرہی ہے۔

اچھی بدعت کو بدعتِ حَسَنَہ کہا جاتا ہے اس پرعمل کرنا کبھی واجب،کبھی مستحب ہوتاہے اوراچھا طریقہ جاری کرنے والا اجروثواب کا حقدار ہے جیسا کہ حدیثِ مبارکہ میں ہے:’’جو کوئی اسلام میں اچھاطریقہ جاری کرے اس کو اس کا ثواب ملے گا او راس کابھی جو اس پر عمل کریں گے او ران کے ثواب میں بھی کمی نہ ہوگی اور جو شخص اسلام میں بُراطریقہ جاری کرے اس پر اس کا گناہ ہوگا اوران کا بھی جو اس پر عمل کریں او ران کے گناہ میں بھی کچھ کمی نہ آئے گی۔( صحیح مسلم،کتاب الزکاة، باب الحث على الصدقۃ ولو بشق تمرة۔۔۔الخ،ص508،حدیث:1017)

میلاد شریف منانا

میلاد کا جواز بکثرت آیات و احادیث اور سلف صالحین کے عمل سے ثابت ہے۔ اگرچہ جواز کے لئے یہ دلیل بھی کافی ہے کہ اس کی ممانعت شرع سے ثابت نہیں ہے اور جس کام سے اللہ تعالیٰ اور رسولِ پاک صلی اللہ علیہ وآلہ وسلم نے منع نہیں فرمایا وہ کسی کے منع کرنے سے ممنوع نہیں ہوسکتا ۔ آیاتِ قرآنِ مجید آقائے نامدار صلی اللہ علیہ وآلہ وسلم کی آمد کے ذکرِ خیر سے مالامال ہیں:چُنانچہ پارہ 11سورۂ یونس کی آیت 58 میں ارشاد ہوتا ہے:

قُلْ بِفَضْلِ اللّٰهِ وَ بِرَحْمَتِهٖ فَبِذٰلِكَ فَلْیَفْرَحُوْا(پ11،يونس:58)

ترجمۂ کنزالایمان: تم فرماؤ اللہ ہی کے فضل اوراسی کی رحمت اور اسی پر چاہیے کہ خوشی کریں۔

اس آیت سے معلوم ہوا کہ فضل و رحمت پر خوشی کرنا چاہیے لہٰذا مسلمان حضورِ انور، شافعِ محشر صلی اللہ علیہ وآلہ وسلم کو فضل ورحمت جان کر آپ صلی اللہ علیہ وآلہ وسلم کا ذکر کر کے خوشی مناتے ہیں اور یہ حکمِ الٰہی ہے۔

چُنانچہ اللہ تعالیٰ ارشاد فرماتا ہے:

وَ اَمَّا بِنِعْمَةِ رَبِّكَ فَحَدِّثْ (پ30،الضحٰى:11)

ترجمۂ کنزالایمان: اور اپنے رب کی نعمت کا خوب چرچا کرو۔

نبی کریم ، رءوف رَّحیم،حلیم کریم عظیم صلی اللہ علیہ وآلہ وسلم اللہ تعالیٰ کی عظیم ترین نعمت ہیں اور نعمتِ الٰہی کا چرچا کرنا حکمِ خداوندی ہے۔ لہٰذا مسلمان حبیبِ اکرم، نورِ مُجَسَّم صلی اللہ علیہ وآلہ وسلم کو نعمتِ الٰہی سمجھتے ہوئے محفلِ میلاد کی صورت میں اسکا چرچا کرتے ہیں۔

تقلید کی ضرورت واہمیت

ضروریاتِ مذہبِ اہلسنّت و جماعت کے منکر کا حکم

ان امور کا انکار کرنے والا کافر قرار نہیں دیا جاتا البتہ وہ گمراہ (ضالّ)، بد مذہب یا بد دین شمار کیا جاتا ہے، اگر وہ عناد، گستاخی یا ضروریاتِ دین کے انکار تک پہنچ جائے تو پھر حکم مختلف ہو سکتا ہے۔

اہلِ سنت کے اصول کے مطابق تکفیر (کسی کو کافر قرار دینا) میں انتہائی احتیاط برتی جاتی ہے۔ جب تک انکار ایسا نہ ہو جو کسی ضروریِ دین کا صریح اور قطعی انکار ہو، محض اختلاف یا تاویل کی بنا پر کفر کا حکم نہیں لگایا جاتا۔

لہٰذا ضروریاتِ مذہبِ اہلسنّت کے منکر کے بارے میں اصل حکم یہ ہے کہ وہ: بد عقیدہ اور گمراہ تو ہے، مگر مطلقاً کافر نہیں۔ البتہ ہر خاص شخص پر حکم لگانے سے پہلے:

یہ تمام امور پیشِ نظر رکھنا لازم ہے۔ اللہ تعالیٰ ہمیں اعتدال، احتیاط اور حق پر ثابت قدمی نصیب فرمائے۔ آمین۔

ثابتات محکمہ کا ثبوت(مضبوط اور معتبر شہادت)

ثابتاتِ محکمہ کے منکر کا حکم

اہلِ سنت کا اصول یہ ہے کہ:

التکفیر یحتاج إلى یقین لا یزول بالشك

(کسی کو کافر قرار دینے کے لیے ایسا یقین درکار ہے جس میں کوئی شبہ باقی نہ رہے)

چنانچہ جہاں مسئلہ دلیلِ ظنی سے ثابت ہو وہاں دائرۂ اسلام سے خارج کرنے کا حکم نہیں دیا جاتا، بلکہ علمی ردّ و اصلاح کو اختیار کیا جاتا ہے۔ اللہ تعالیٰ ہمیں فہمِ صحیح، اعتدال اور حق پر ثابت قدمی عطا فرمائے۔ آمین۔

ظنیاتِ محتملہ کا ثبوت

ایسی دلیلِ ظنی کافی ہوتی ہے جو راجح اور قوی ہو لیکن جس میں جانبِ خلاف کے لیے بھی کسی درجے میں احتمال موجود ہو۔ چونکہ ان کا مدار قطعیت پر نہیں بلکہ غلبۂ ظن پر ہوتا ہے، اس لیے ان میں علمی اختلاف کی گنجائش باقی رہتی ہے۔ یہی وجہ ہے کہ ظنیاتِ محتملہ میں:

اصولی طور پر کہا جاتا ہے کہ: جہاں دلیل ظنی ہو وہاں اختلاف معتبر ہوتا ہے۔

لہٰذا ظنیاتِ محتملہ کا ثبوت ایسی قوی مگر غیر قطعی دلیل سے ہوتا ہے جس میں تاویل اور احتمال کی گنجائش باقی ہو، اور یہی ان مسائل کی امتیازی خصوصیت ہے۔ اللہ تعالیٰ ہمیں فہمِ صحیح اور اعتدال نصیب فرمائے۔ آمین۔

ظنیاتِ محتملہ کے منکر کا حکم

ان مسائل کے منکر کو کافر نہیں کہا جائے گا، نہ اسے گمراہ یا بد مذہب قرار دیا جائے گا، بلکہ زیادہ سے زیادہ اسے مخطی (خطا کرنے والا) اور قصوروار کہا جائے گا۔

اور بعض صورتوں میں، اگر اس کا انکار کسی معتبر تاویل یا اجتہاد پر مبنی ہو، تو اسے گناہگار بھی قرار نہیں دیا جائے گا؛ کیونکہ ظنی مسائل میں اجتہادی اختلاف معتبر سمجھا جاتا ہے۔ لہٰذا: ظنیاتِ محتملہ کے منکر کا حکم صرف خطا تک محدود ہے، نہ کہ گمراہی یا تکفیر تک۔ یہ اہلِ سنت کے اعتدال اور احتیاط پر مبنی اصول کا مظہر ہے کہ جہاں قطعیت نہ ہو وہاں شدتِ حکم بھی نہیں ہوتی۔ اللہ تعالیٰ ہمیں صحیح عقیدہ، فہمِ دقیق اور اعتدال کی راہ پر قائم رکھے۔ آمین۔

یادر ہے ! جس طرح فقہ میں اصول چار ہیں ، کتاب ، سنت، اجماع اور قیاس ۔ اسی طرح عقائد میں بھی چار اصول ہیں، کتاب، سنت، سواد اعظم اور عقل صحیح تو جو کوئی بھی ان میں سے کسی ایک کے ذریعے عقائد کے مسئلے کو جانتا۔ مسئلے کو جانتا ہے تو وہ دلیل سے جاننے والا کہلاتا ہے۔

الحمد للہ! ختمِ نبوت کا عقیدہ اسلام کی اصل بنیاد اور ضروریاتِ دین میں سے ہے، جس کا ثبوت قرآنِ کریم، احادیثِ متواترہ اور اجماعِ قطعی سے بالکل واضح اور یقینی ہے۔ اس میں کسی قسم کے شبہ یا تاویل کی کوئی گنجائش نہیں۔ جو شخص اس قطعی عقیدے کا انکار کرے یا باطل تاویلات کے ذریعے اس میں رخنہ ڈالے، وہ بلاشبہ کافر ہے۔ اور جو اس کے کفر پر مطلع ہو کر بھی اسے کافر نہ سمجھے، وہ بھی کفر میں شریک ہے۔

یہی ایمان کا تقاضا اور اہلِ اسلام کا اجماعی عقیدہ ہے کہ حضرت محمد مصطفیٰ صلی اللہ علیہ وآلہ وسلم اللہ کے آخری نبی اور رسول ہیں۔ آپ صلی اللہ علیہ وسلم کے بعد کسی بھی قسم کی نبوت و رسالت کا دروازہ ہمیشہ ہمیشہ کے لیے بند ہے۔

پس مسلمانوں پر لازم ہے کہ وہ اپنے ایمان و عقیدہ کی حفاظت کریں، ہر باطل گروہ اور گمراہ فکر سے خود کو محفوظ رکھیں، اور دینِ حق پر ثابت قدم رہیں۔ انہیں چاہیے کہ علمِ صحیح حاصل کریں، اہلِ حق کی صحبت اختیار کریں اور اپنے عقائد کو قرآن و سنت اور اجماعِ اہلِ سنت کے مطابق مضبوط کریں۔

ایمان محض زبانی دعویٰ نہیں بلکہ دل کی تصدیق، زبان کا اقرار اور اعضاء کا عمل ہے۔ اس لیے ہر مسلمان کو چاہیے کہ وہ اپنے دل، زبان اور عمل سے ہمیشہ اس حقیقت کی گواہی دیتا رہے کہ:

اَشْهَدُ أَنْ لَّا إِلٰهَ إِلَّا اللّٰهُ، وَأَشْهَدُ أَنَّ مُحَمَّدًا رَّسُولُ اللّٰهِ ﷺ

یعنی میں گواہی دیتا ہوں کہ اللہ تعالیٰ کے سوا کوئی معبود نہیں اور میں گواہی دیتا ہوں کہ حضرت محمد مصطفیٰ صلی اللہ علیہ وآلہ وسلم اللہ کے رسول ہیں۔

اسی شہادت پر زندگی گزارنا، اسی پر قائم رہنا اور اسی پر خاتمہ نصیب ہونا ہر مومن کی سب سے بڑی کامیابی ہے۔ اللہ تعالیٰ ہمیں ایمانِ کامل، عقیدۂ صحیح اور خاتمہ بالخیر نصیب فرمائے۔ آمین۔