حضور صلی اللّہ علیہ وسلم کے علم مبارک کی وسعتیں احادیث کی رو

حضرت عمر فاروق رضی اللّہ عنہ سے روایت ہے کہ حضور صلی اللہ علیہ وآلہ وسلم نے ہمارے درمیان ایک جگہ قیام فرمایا بس ہمیں ابتدا پیدائش کی خبر دی یہاں تک کہ اہل جنت والے جنت میں داخل ہوگئے اور اہل نار والے دوزخ میں پہنچ گئے جس نے یاد رکھا اس نے یاد رکھا جو بھول گیا وہ بھول گیا ( صحیح البخاری ، 1/453، صحیح مسلم 2/390 ، مشکوٰۃ المصابیح صفحہ 506)۔

ہمارے حضور صلی اللہ علیہ وآلہ وسلم نے از روئے اول تاقیامت کا حال بیان کر دیا ۔ یہ ہمارے حضور صلی اللہ علیہ وآلہ وسلم کے علم مبارک کی وسعتیں ہیں۔

جنت و جہنم کا مشاہدہ

حضرت اسماء بنت ابی بکر رضی اللہ عنہا بیان کرتی ہیں کہ میں حضرت عائشہ صدیقہ رضی اللہ عنہا کے پاس آئی اس حال میں کہ وہ نماز پڑھ رہی تھیں۔ میں نے پوچھا: لوگوں کو کیا ہو گیا ہے؟ انہوں نے آسمان کی طرف اشارہ کیا۔ میں نے کہا: کیا کوئی نشانی ہے؟ انہوں نے سر کے اشارے سے فرمایا: ہاں۔ میں کھڑی ہو گئی یہاں تک کہ مجھ پر غشی طاری ہونے لگی، میں اپنے سر پر پانی ڈالنے لگی۔ پھر جب رسول اللہ صلی اللہ علیہ وآلہ وسلم نماز سے فارغ ہوئے تو آپ صلی اللہ علیہ وآلہ وسلم نے اللہ کی حمد و ثنا بیان فرمائی اور فرمایا:میں نے اس مقام پر ہر وہ چیز دیکھ لی جو پہلے نہیں دیکھی تھی، حتیٰ کہ جنت اور جہنم کو بھی۔(صحیح البخاری، کتاب العلم، باب من اجاب الفتیا باشارۃ الید والراس، رقم الحدیث: 86)

آغازِ تخلیق سے انجامِ آخرت تک کا بیان

حضرت طارق بن شہاب رضی اللہ عنہ بیان کرتے ہیں کہ رسول اللہ صلی اللہ علیہ وآلہ وسلم ہمارے درمیان خطبہ دینے کے لیے کھڑے ہوئے، تو آپ صلی اللہ علیہ وآلہ وسلم نے مخلوقات کی ابتداء سے لے کر یہاں تک بیان فرمایا کہ اہلِ جنت اپنے ٹھکانوں میں داخل ہوں گے اور اہلِ جہنم اپنے ٹھکانوں میں۔ جس نے یاد رکھا اس نے یاد رکھا، اور جو بھول گیا وہ بھول گیا۔ (صحیح بخاری، کتاب بداء الخلق، رقم الحدیث: 3192)

امت کے افراد کے انجام کا جان لینا

امام شہاب الدین احمد بن علی المعروف ابن حجر عسقلانی رحمۃ اللہ علیہ نقل فرماتے ہیں:نبیِّ کریم صلی اللہ علیہ وآلہ وسلم نے صحابَۂ کرام سے فرمایا: میری اُمّت مجھ پر ایسے پیش کی گئی جیسے حضرتِ آدم علیہ السلام پر پیش کی گئی تھی تو میں نے جان لیا کہ کون مجھ پر ایمان لائے گا اور کون کفر کرے گا۔

صحابہ کرام علیہم الرضوان پر منافقین کے اعتراض اور قرآنی جواب

یہ بات جب منافقین تک پہنچی تو انہوں نے کہا: معاذاللہ محمد صلی اللہ علیہ وآلہ وسلم گمان کرتے ہیں کہ وہ جانتے ہیں کون ان پر ایمان لائے گا اور کون کفر کرےگا حالانکہ ہم ان کے ساتھ ہیں اور وہ ہمیں نہیں جانتے۔ اس پر یہ آیتِ کریمہ :

وَ مَا كَانَ اللّٰهُ لِیُطْلِعَكُمْ عَلَى الْغَیْبِ وَ لٰكِنَّ اللّٰهَ یَجْتَبِیْ مِنْ رُّسُلِهٖ مَنْ یَّشَآءُ ۪- فَاٰمِنُوْا بِاللّٰهِ وَ رُسُلِهٖۚ-وَ اِنْ تُؤْمِنُوْا وَ تَتَّقُوْا فَلَكُمْ اَجْرٌ عَظِیْمٌ (پ 4،اٰل عمرٰن:179)

( ترجمۂ کنزالایمان:اور اللہ کی شان یہ نہیں کہ اے عام لوگوتمہیں غیب کا علم دے دے ہاں اللہ چن لیتا ہے اپنے رسولوں سے جسے چاہے تو ایمان لاؤ اللہ اور اس کے رسولوں پر اور اگر ایمان لاؤ اور پرہیزگاری کرو تو تمہارے لئے بڑا ثواب ہے۔) نازل ہوئی۔(العجاب فی بیان الاسباب ،2/798)

فجر سے غروبِ آفتاب تک مسلسل خطبہ اور قیامت تک کے واقعات

حضور صلی اللہ تعالیٰ علیہ وسلم کو کلیات و جزئیات پر محیط علم عطا ہونا

زمین کو سمیٹ کر دکھا دیا

اس حدیث شریف سے معلوم ہوا کہ پورب سے پچھم تک زمین کا ہر حصہ حضورصلی اللہ تعالیٰ علیہ وسلم کی نگاہ کے سامنے ہے ۔

قیامت تک کے فتنوں، افراد اور ان کے ناموں کا علم

معلوم ہوا کہ حضور کا علم تمام کلیّات اور جزئیات کو گھیرے ہوئے ہے ۔ کہ آپ نے آئندہ پیدا ہونے والے فتنہ انگیزوں کے نام، ان کے باپ کا نام اور ان کے قبیلہ کا نام لوگوں سے بیان فرمایا۔

میدانِ موتہ کے واقعات مدینہ میں بیٹھ کر بیان فرمانا

معلوم ہوا کہ ساری دنیا کے حالات حضور کی نگاہ کے سامنے ہیں کہ جنگ موتہ جو ملک شام میں ہورہی تھی حضور اس کے حالات مدینہ منورہ میں بیٹھے ہوئے ملاحظہ فرمارہے تھے ۔

قبر کے اندر کے عذاب کا مشاہدہ

علامہ احمد صاوی رحمۃ اللہ علیہ فرماتے ہیں : ’’اولیاء رحمۃ اللہ علیہم کی جن کرامات کا تعلق کشف کے ساتھ ہے ان کی نفی پر اس آیت میں کوئی دلیل نہیں البتہ یہ (ضرورثابت ہوتا) ہے کہ انبیاء ِکرام علیہم الصلاۃ والسلام کی غیب پر اطلاع اولیاء رحمۃ اللہ علیہم کی غیب پر اطلاع سے زیادہ مضبوط ہے کیونکہ انبیاء ِکرام علیہم الصلاۃ والسلام وحی کے ذریعے غیب جانتے ہیں اوروہ ہر نقص سے معصوم ہے جبکہ اولیاء رحمۃ اللہ علیہم کی اطلاع کا یہ مقام نہیں ، اسی لئے انبیاء ِکرام علیہم الصلاۃ والسلام کی عصمت واجب ہے اور اولیاء رحمۃ اللہ علیہم کی عصمت جائز ہے۔( صاوی، الجن، تحت الآیۃ: ۲۶، ۶ / ۲۲۵۶)

علامہ سید نعیم الدین مراد آبادی رحمۃ اللہ علیہ فرماتے ہیں : ’’ اولیاء کو بھی اگرچہ غیوب پر اطلاع دی جاتی ہے مگر انبیاء کا علم باعتبارِ کشف و اِنجلاء (یعنی غیب کی باتوں کو ظاہر کرنے کے اعتبار سے) اولیاء کے علم سے بہت بلند وبالا واَرفع و اعلیٰ ہے اور اولیاء کے علوم انبیاء ہی کے وَساطت اور انہی کے فیض سے ہوتے ہیں ، معتزلہ ایک گمراہ فرقہ ہے وہ اولیاء کیلئے علمِ غیب کا قائل نہیں ،اس کا خیال باطل اور احادیثِ کثیرہ کے خلاف ہے اور اس آیت سے ان کا تَمَسّک (یعنی دلیل پکڑنا) صحیح نہیں ،بیانِ مذکورہ بالا میں اس کا اشارہ کردیا گیا ہے، سیّدُ الرُّسُل خاتَم الانبیاء محمد مصطفٰی صلی اللہ علیہ وسلم مُرتضیٰ رسولوں میں سب سے اعلیٰ ہیں ، اللّٰہ تعالیٰ نے آپ کو تمام اَشیاء کے علوم عطا فرمائے جیسا کہ صحاح کی معتبر اَحادیث سے ثابت ہے اور یہ آیت حضور (صلی اللہ علیہ وسلم) کے اور تمام مرتضیٰ رسولوں کیلئے غیب کا علم ثابت کرتی ہے۔(خزائن العرفان، الجن، تحت الآیۃ: ۲۷، ص۱۰۶۲)

نبی آئندہ کے غیبی امور جانتے ہیں

ہمارے حضور علیہ الصلاۃ والسلام زمین اور آسمانوں کی تمام چیزوں کو جانتے ہیں

وَ كَذٰلِكَ نُرِیْۤ اِبْرٰهِیْمَ مَلَكُوْتَ السَّمٰوٰتِ وَ الْاَرْضِ وَ لِیَكُوْنَ مِنَ الْمُوْقِنِیْنَ (پ۷،الانعام:۷۵)۔

ترجمہ کنزالایمان:اور اسی طرح ہم ابراہیم کو دکھاتے ہیں ساری بادشاہی آسمانوں اور زمین کی اور اس لئے کہ وہ عین الیقین والوں میں ہوجائے۔

اور اسی طرح ہم دکھا نے لگے ابراہیم کو سلطنت آسمان اور زمین کی تاکہ اس کو یقین آوے۔ (مشکاۃ المصابیح،کتاب الصلوۃ،باب المساجد ومواضع الصلاۃ،الحدیث: 725،1/152)۔

حضور علیہ الصلاۃ و السلام زمین کے اندر کے احوال جانتے ہیں

پیارے آقا صلی اللہ علیہ وآلہ وسلم دو قبروں کے پاس سے گزرے تو اِرشاد فرمایا : اِن دونوں میں عذاب ہو رہا ہے اور کسی بڑی بات کی وجہ سے نہیں بلکہ ان میں ایک چغلی کرتا تھا اور دوسرا پیشاب کے چھینٹوں سے نہیں بچتا تھا ، پھر آپ صلی اللہ علیہ وآلہ وسلم نے ایک تَر شاخ منگوائی اور اس کے دو ٹکڑے کیے اور پھر دونوں قبروں پر شاخ کا ایک ایک ٹکڑا لگا کر کچھ اِس طرح اِرشاد فرمایا : جب تک یہ خشک نہ ہوں گی تب تک ان کے عذاب میں تخفیف ہوتی رہے گی ۔ (بخاری ، کتاب الوضو ء ، باب من الکبائر ان لا یستتر من بوله ، 1/95-96، حدیث : 216-218)

ہماری نظر اور حضور علیہ السلام کی نظر میں یہ فرق ہم زمین کے اوپر دیکھ سکتے ہیں لیکن حضور علیہ الصلاۃ والسلام دیکھنا چاہیں تو زمین کے اوپر اور زمین کے اندر کی معلومات دیتے ہیں ۔ جیسا اس حدیث میں قبر کے اندر کی حالت بتائی ۔ حضور علیہ السلام امت کے اعمال جانتے ہیں بالخصوص اس حدیث میں یہ اشخاص سابقہ امت سے تعلق رکھتے تھے لہذا حضور سابقہ امت کے اعمال کو جانتے ہیں جیسا کہ حدیث پاک سے ثابت ہوتا ہے ۔ کس کو کس چیز کی حاجت ہے ہمارے حضور علیہ الصلاۃ والسلام جانتے ہیں یعنی قبر والوں کو عذاب ہے تخفیف عذاب کا بندوبست فرمایا ہے ۔ سابقہ امت کے افراد کی قبر پر حضور علیہ السلام تشریف لائے تو ان پر عذاب میں کمی واقع ہوئی ۔ عالم دنیا میں رہ کر بھی حضور علیہ السلام عالم برزخ یعنی قبر کی معلومات کا بتانا حضور علیہ الصلوٰۃ والسلام کی وسعت علمی ہے ۔

حضور علیہ الصلوۃ والسلام امت کے اعمال کا علم رکھتے ہیں

نبی پاک تمام امت کے اعمال جانتے ہیں ،یہ کتنی علم کی وسعت کی بات ہے کہ حضور علیہ الصلاۃ والسلام ساری امت کے اعمال جانتے ہیں ۔ امت کا لفظی اطلاق ہے یعنی ما بعد ساری امت کے اعمال کو بھی حضور علیہ الصلاۃ والسلام جانتے ہیں ۔ امت کے اعمال کے ساتھ حضور علیہ السلام یہ بھی جانتے ہیں کہ کس کی نیکی مقبول ہے۔

نبی پاک جانتے ہیں کون زندہ لوگوں میں سے شہید ہوگا

حضور علیہ السلام جانتے ہیں کون شہید ہیں حضور علیہ الصلوٰۃ والسلام خاتمہ کو جانتے ہیں تو فرمایا شہید حضرت طلحہ کو دیکھو اس حدیث میں مایکون کا علم عطا فرمایا جیسا کہ اس حدیث میں طلحہ بن عبیداللہ کا وفات کیسے ہوگی یعنی جنگ میں شہید ہو ں گے ۔

حضور جانتے ہیں کہ جنت میں جنتی کس منصب پر ہونگے

کون جنتی ہے حضور صلی اللہ علیہ وآلہ وسلم سب جانتے ہیں ۔ کون جنت میں کس مقام پر فائز ہو گا حضور صلی اللہ علیہ وآلہ وسلم اس کو بھی جانتے ہیں۔

حضور علیہ الصلوٰۃ والسلام جانتے ہیں کہ مرنے کے بعد کون کلام کرے گا

ام جعفر سریہ علی رضی اللہ تعالی عنہ سے مروی ہے کہ میں حضرت علی رضی اللہ تعالی عنہ کے ہاتھوں پر پانی ڈال رہی تھی انہوں نے اپنا سر اٹھایا پھر اپنی داڑھی پکڑ کر اسے ناک تک بلند کیا کہ تیرے لئے خوشی ہے کہ تو ضرورضرور خون میں رنگی جائے گی پھر جمعہ کے دن ان پر حملہ کیا گیا ۔ (طبقات ا ابن سعید، 3/35)

اس حدیث سے ثابت ہوا کہ حضور علیہ الصلاۃ والسلام سابقہ امت کے اعمال اور اوصاف کو جانتے ہیں تبھی فرمایا کہ تم میں سب سے زیادہ بدبخت حضرت صالح علیہ السلام کی اونٹنی کی ٹانگیں کاٹنے والا ہے۔ بعد میں سب سے زیادہ بدبخت کون یہ بھی حضور علیہ الصلاۃ والسلام جانتے ہیں تبھی فرمایا پچھلوں میں سب سے زیادہ بدبخت وہ ہوگا جو علی تمہیں نیزہ مارے گا ۔کون کون شقی و سعید ہوگا یہ حضور علیہ الصلاۃ والسلام جانتے ہیں یہ حضور علیہ الصلوۃ والسلام کے علم مبارک کی وسعت پر واضح دلیل ہے ۔

نبی پاک صلی اللہ علیہ وآلہ وسلم چھپی ہوئی چیزوں کو جانتے ہیں

حضرت ابن ہشام رحمۃ اللہ علیہ نے کہایہ کہا جا تا ہے کہ جب حضور صلی اللہ علیہ وآلہ وسلم غزوہ بنی مصطلق سے واپس ہوئے جبکہ حضرت جویریہ رضی اللہ عنہا آپ کے ساتھ تھیں آپ صلی اللہ علیہ وآلہ وسلم نے حضرت جویریہ رضی اللہ عنہا بطور امانت ایک انصاری کو دے دیں اور حفاظت کا حکم دیا۔ حضور صلی اللہ علیہ وآلہ وسلم مدینہ طیبہ پہنچے تو حضرت جویریہ رضی اللہ عنہا کا باپ حارث اپنی بیٹی کا فدیہ لے کر پہنچا جب عقیق کے مقام پر پہنچا تو اپنے اونٹوں کو دیکھا جو فدیہ کے طور پر لایا تھا اسے دواونٹ بہت اچھے لگے اور عقیق کی وادیوں میں انہیں چھپا دیا پھر حضور صلی اللہ علیہ وآلہ وسلم کی بارگاہ اقدس میں حاضر ہوا۔ عرض کی اے محمد صلی اللہ علیہ وآلہ وسلم آپ نے میری بیٹی کو پکڑ لیا ہے یہ اونٹ اس کا فدیہ ہیں ۔ رسول اللہ صلی اللہ علیہ وآلہ وسلم نے فرمایا وہ دواونٹ کہاں ہیں جنہیں تم نے عقیق میں فلاں فلاں وادی میں چھپا دیا ہے حارث نے کہا میں گواہی دیتا ہوں کہ اللہ تعالی کے سوا کوئی معبود نہیں اور آپ اللہ کے رسول ہیں ۔ اللہ کی قسم! اس بات پر اللہ تعالی کے سوا کوئی آگاہ نہیں ۔ حارث مسلمان ہو گیا ساتھ ہی اس کے دو بیٹے بھی مسلمان ہو گئے اور اس کی قوم کے کئی لوگ بھی مسلمان ہو گئے حارث نے دونوں اونٹوں کو لانے کے لئے ایک آدمی بھیجا جوان دونوں اونٹوں کو لے آیا۔ اونٹ حضور صلی اللہ علیہ وآلہ وسلم کی بارگاہ میں پیش کئے ۔حضور صلی اللہ علیہ وآلہ وسلم نے حضرت جویریہ رضی اللہ عنہا کو حارث کے حوالے کر دیا۔حضرت جویریہ رضی اللہ عنہا نے اسلام قبول کر لیا اور بہت اچھی مسلمان ثابت ہوئیں۔ حضور صلی اللہ علیہ وآلہ وسلم نے ان کے والد کو دعوت نکاح دی ، ان کے والد نے اپنی بیٹی کا نکاح حضور صلی اللہ علیہ وآلہ وسلم سے کر دیا اور حضور صلی اللہ علیہ وآلہ وسلم نے چارسو درہم مہر عطا کیا ۔ (السير والنبوۃ المعروف سیرت ابن ہشام غزوہ بنی المصطلق في شعبان سیست ،4/259، مطبوعۃ: دارالجیل بیروت)

نبی پاک صلی اللہ علیہ وآلہ وسلم چھپی ہوئی چیزوں کو جانتے ہیں تبھی ارشاد فرمایا وہ اونٹ کہا ں ہیں جن کو مقام عقیق کی وادیوں میں چھپا آئے ہو ۔اس سے وہ لوگ عبرت حاصل کریں جو چھپ کر گناہ کرتے ہیں کیونکہ حضور صلی اللہ علیہ وآلہ وسلم امت کے اعمال جانتے ہیں۔ نبی پاک صلی اللہ علیہ وآلہ وسلم یہ بھی جانتے ہیں کہ کون کہاں گناہ کرتا ہے تبھی یہ فرمایا مقام عقیق میں اونٹ جو چھپائے ہوئے ہو لہذا گناہ کرنے والے عبرت حاصل کریں کبھی ہم سے یہ فرمایا جائے اے میرے غلام فلان جگہ پر گناہ کیوں کر رہے تھے ۔ حضور صلی اللہ علیہ وآلہ وسلم مقام عقیق پر نہیں تھے پھر بھی خبر ارشاد فرمائی یہ علم غیب ہے اس حدیث سےوہ لوگ عبرت حاصل کریں جو عقیدہ رکھتے ہیں کہ معاذ اللہ حضور صلی اللہ علیہ وآلہ وسلم کو دیوار کے پیچھے کا علم نہیں ۔ فدیہ کے اونٹ بطور امانت تھے ان کے پاس اس نے امانت میں خیانت کی تھی دو اونٹ چورائے تھے اس حدیث سے وہ لوگ عبرت حاصل کریں جو غریبوں کے فنڈ غائب کرتے ہیں لیکن غریبوں کا حق کھانے والے امیر لوگوں کو عدم خوف خدا کی وجہ سے مستحق افراد تک نہ پہنچایا ۔

اے کرپشن کرنے والوں کہیں یہ نہ کہا جائے کہ وہ غریبوں کا مال فلاں جگہ پر جو رکھا ہوا ہے یہ کیوں نہیں دیا پھر شرم ساری کے علاوہ کچھ بھی نہیں ہوگا ۔

حضور علیہ الصلوۃ والسلام کو اللہ پاک نے اتنا علم عطا فرمایا جس کی وسعت یہ تھی کہ اپنے بعد خلافت کے منصب پر کون کون فائز ہوں گے ارشاد فرمایا۔ امام حارث بن ابی اسامہ متوفی ۲۸۲ ھ روایت کر تے ہیں ۔

آئندہ خلفاء کی تعیین اور ترتیبِ خلافت

اس حدیث سے معلوم ہو رہا ہے کہ حضور علیہ الصلوٰۃ والسلام اپنے بعد والوں کے منصب و کام کو جانتے ہیں تبھی فرمایا یہی لوگ خلیفہ بنیں گے ۔ اس حدیث میں خلافت کی ترتیب کو حضور علیہ الصلوۃ والسلام نے اشارۃً بیان فرما دیا ہے کیوں کہ پہلے حضرت ابوبکر صدیق رضی اللہ تعالی عنہ حضرت عمر فاروق رضی اللہ تعالی عنہ اور حضرت عثمان غنی رضی اللہ تعالی عنہ پتھر اٹھا کر لا رہے تھے ۔

حضور علیہ الصلاۃ والسلام سائل کے سوال کو بھی جانتے ہیں

حضرت وابصہ اسدی رضی اللہ عنہ سے روایت ہے کہ انہوں نے کہا، میں نبی کریم صلی اللہ علیہ وسلم کی بارگاہ میں اس لئے آیا کہ میں نیکی اور بدی کے بارے میں پوچھوں مگر میرے پوچھنے سے قبل حضور صلی اللہ علیہ وآلہ وسلم نے فرمایا: اے وابصہ رضی اللہ عنہ! کیا میں تمہیں بتادوں جو تم مجھ سے پوچھنا چاہتے ہو؟ میں نے عرض کیا، یا رسول اللہ صلی اللہ علیہ وسلم مجھے بتایئے ۔ فرمایا تم مجھ سے نیکی اور بدی پوچھنے آئے ہو ؟ میں نے عرض کیا قسم ہے اس ذات کی جس نے آپ کوحق کے ساتھ مبعوث فرمایا۔آپ نے بالکل صحیح فرمایا۔ فرمایا نیکی وہ عمل ہے جس سے انشراح صد رتمہیں حاصل ہوا اور بدی وہ ہے جس سے تمہارے دل میں انقباض ہو ۔اگر چہ لوگوں نے تم سے اس کے کرنے کو کہا ہو ۔(دلائل النبوۃ للاصبھانی ، ص 115 ، رقم الحدیث: 119)

اس حدیث کی روشنی سے معلوم ہورہا ہے آپ علیہ الصلوۃ والسلام دلوں کے احوال کو بھی جانتے ہیں ۔ سوال کا جواب دینا یہ کمال ہے لیکن جواب کا سوال بغیربتائے جاننا یہ کمال کا بھی کمال ہے ۔اس حدیث سے حضور علیہ الصلوۃ والسلام کے علم مبارک کی وسعت ثابت ہو رہی ہے۔

نبی پاک صلی اللہ علیہ وآلہ وسلم جانتے ہیں کہ بکری بغیر مالک کی اجازت کے ذبح ہوئی ہے