معاشرتی تبدیلی میں محترم الیاس قادری نے دنیا کے سامنے اسلامی طرز فکر پر مبنی منظم تربیتی نظام فراہم کیا جس کےزیر اثرلاکھوں لوگ اپنی دینی معاملات میں رہنمائی حاصل کرتے ہیں۔مولانا الیاس قادری کے نظام تربیت کی سب سے بڑی خوبی اسلامی تہذیب کا زندہ ہونا ہے۔عام فرد کی ذہنی سطح سے لیکر فکر ونظررکھنے والے افراد تک دین کی باتیں ایسی نظام تربیت کےذریعے پہنچانے کا عظیم کام سرانجام دیاجس مثال گزشتہ کئی صدیوں میں ملنا مشکل ہے۔اس وقت جب انسانی اقدار کو پس پشت ڈال کر بے راہ رسم و رواج اور مزاج کو اپنا کر اخلاقی حدیں پارکرنے کی مذمو م کوششیں ہورہی تھی اس وقت مولانا نے اسلام کے ہمہ جہت اخلاقی نظام کو اپنے مبلغین کےذریعے متعارف کروایا ۔لب ولہجہ کی نرمی ، اخلاق حسنہ پر عملداری، گفتگوم میں مٹھاس، انسانی اقدار کو اسلام کے طرز فکر میں بیان کرنے کیا کئے۔اصلاحی نظام کی اہمیت پر زور دیا اور دنیا کے سامنے عملی طور پر مرکز ی نظام کے تحت ہزاروں مقامات پر لاکھوں کی تعداد میں تربیتی نظام فیضان مدینہ کےنام سے دیئے۔مولانا الیاس نے انسانی جان کے تحفظ کے خاطر اپنی دینی تحریک کی دعو ت کو ایسے مربوط ومنظم نظام کے تحت پوری دنیا میں پہنچانے کے لئے سوشل میڈیا ، ٹی وی چینل ، موبائل ایپلی کیشنز اور دیگر ذرائع ابلاغ کو اپنا یا پھر دعوت وارشاد کو سلسلے کو بڑھاتے چلے گئے۔معاشرتی تبدیلی میں مولانا الیاس قادری کے نظام تربیت ایسے افراد پیداکئے جو مختلف شعبوں میں مولانا الیاس قادری کی دینی دعوت کے مبلغ بن کر اسلام کی عظیم خدمات سرانجام دے رہے ہیں۔معاشرتی تبدیلی میں مولانا الیاس قادری کی فکر اور وژن نے نہ صرف افراد تیار کئے بلکہ افراد معاشر ے کو تعلیم وتربیت کے بہترین ادارے بھی فراہم کئے۔

معاشرتی طبقات میں مولانا الیاس کی شخصیت کے اثرات

حضرت مولانا الیاس قادری کی شخصیت اور دعوت وارشاد کے اثرات نے محدود پیمانے پر تبدیلی نہیں لائی بلکہ آپ کی دعوت کی جامعیت نے ہر طبقہ کو متاثر کیا،عوامی سطح پرتبلیغ کاکام کیا تو علماکےلئے تعلیم وتربیت کا نظام متعارف کرویا،اسلامی اسکالر بنانےکےلئے جامعات کی بنیاد رکھیں،بچوں کےلئے جدید طرز پر دینی ودنیاوی تقاضوں کو پورا کرتا ہوا اسلامک اسکولنگ سسٹم دیا،بچیوں کےلئے محفوظ تعلیمی ادارےبنائے۔ درحقیقت الیاس قادری کی شخصیت کے اثرات نے ہر سطح کے لوگوں کو دین کی طرف راغب کرنے کےلئے معاشرے میں مثبت اثرات مرتب کئے۔ حضرت الیاس قادری نے کاروباری حضرات اور پرفیشنل حضرات ، مزدور طبقہ ، صنعتکار، تجارت پیشہ افراد، بزنس مین،سیاست دان، حکومتی عہدار،چپڑاسی، ملازمیں، منتظمین، معلمین، اساتذہ، طلبا بچے بوڑے جوان الغرض طبقہ انسانی کے ہرفرد اور شعبہ میں معاشرتی تبدیلی کے ہمہ جہت دینی اثرات مرتب کئے۔

بین الاقوامی مسلم کمیونٹی پرالیاس قادری کی شخصیت کے اثرات:

نہ صر ف پاکستان بلکہ بیرون ملک مسلم کمیونٹی میں مولانا الیاس کی شخصیت نے بہت گہرے اثرات مرتب کئے۔کمیونٹی نظام کے تحت رہنے والے لوگ اپنی کمیونٹی کو ہی ترجیح دیتے ہیں ان کےاپنے قانون اور ضوابط ہوتے ہیں ، محدود پیمانو ں پر باہر کےلوگوں کی آمد ورفت ہوتی ہے۔لیکن مولانا الیاس کی دعوت کے اثرات نے ان کمیونٹیز کو متاثر کیا ،مولانا کی دینی جدوجہد نے ان کمیونٹیز کے رسم ورواج میں اسلامی شریعت پر عمل کو ممکن بنایا۔پاکستان سے باہر رہنے والی مسلم کمیونٹی کو اپنی اولاد کی تعلیم وتربیت کےلئے اسلامی ماحول کی ضرورت ہمیشہ بے چین رکھتی ہے، مغربی معاشرے میں بچوں کے اخلاق بگڑنے کا ڈر ماں باپ کے لئے پریشانی کا باعث ہوتا ہے، تعلیم قرآن ، اسلامی روایتوں پرعمل ، دینی رسومات، تعلیم وتربیت،عبادات ومعاملات میں شریعت کی پاسدار ممکن بنانا بہت مشکل لگاتا ہےلیکن جب دعوت اسلامی کی صورت میں پاکستان سے باہرالیاس قادری کی شخصیت کے اثرات پہنچے تو مسلم کمیونٹی نے سکھ کا سانس لیا اور اپنے بچوں کی تعلیم وتربیت کےلئے دعوت اسلامی کے ماحول کوخوش آمدید کہا۔ الیاس عطار قادری کی دینی دعوت آج پاکستان معاشرے نکل کر دنیا کے بے شمار ممالک میں پہنچ چکی ہے۔اب بات فقط پاکستانی معاشرے کی نہیں بلکہ 150 سے زائد ملک میں موجود مسلم کمیونٹیزکی ہےجہاں دعوت اسلامی کے بانی کے دینی وفکری اثرات نظر آت ہیں۔

معاشرتی تبدیلی میں ہمہ جہت دینی بیداری

مولانا الیاس قادری کی شخصیت کے اثرات کا عمومی جائزہ لیں تو آپ نے معاشرتی تبدیلی میں ہمہ جہت دینی انقلاب بپا کیا، معاشرےمیں فکری، عملی ، روحانی ،تعلیمی، فلاحی، تبدیلیاں لائیں،اسلامی عقائد ونظریات کی حامل علمی درسگاہیں دیں، تعلیمی ادارے بنائے، خدمت انسانی کے شعبہ جات قائم کئے ، سماج میں موجود برائیوں کے خاتمے کے لئے اعلی تربیتی نظام قائم کئے،مساجد کی آباد کاریاں ہوئیں، دینی اداروں کا تشخص بحال ہوا، لوگوں میں دینی شعورک بیداری ہوئ، دینی تعلیم حاصل کرنے کارجحان بڑھا،تعلیم قرآن کےلئے لاکھوں مدارس قائم ہوئے، معاشری تبدیلی میں الیاس قادری کی شخصیت نے ہمہ جہت دینی و تعلیمی بیداری پیدا کی۔مولانا الیاس قادری کی شخصیت کےاثرات نے ایسا انقلاب برپاکردیا کہ آپ کی دینی تحریک کے اثرات دوردراز ممالک میں پہنچ چکے ہیں اورآپ دینی ،سماجی، تعلیمی، فلاحی، اصلاحی خدمات کوہمیشہ یاد رکھاجائےگا۔مسلم شخصیات میں مولانا الیاس قادری اکیسویں صدی کا علمی وروحانی سورج ہےجو اپنی آب وتاب کےساتھ اب بھی دین کا پیغام بحسن وبخوبی دنیا میں پہنچارہا ہے۔

معاشرتی تبدیلی میں امیرِ اہلِ سنت کے تاریخی کردار پر حرف آخر

احیائے سنت کی اصلاحی تحریک دعوت اسلامی کے اصلاحی و فلاحی کاموں کے تناظر میں حضرت الیاس قادری کی شخصیت کےاثرات کاجائزہ لیا جائے تو آپ کی خدمات کی حقیقت اپنی آب وتاب کی ساتھ چمکتی نظر آتی ہے ۔امیر اہلسنت نے فقطہ قرآن وسنت کی تبلیغ کےلئے اصلاحی تحریک کا آغاز نہیں کیا بلکہ قرآن وسنت کی عالمی اشاعت اور تبلیغ کےلئے ایک ہمہ گیر فکری ، علمی ،روحانی ، اخلاقی، تعلیمی اور فلاحی نظام کے عملی انقلاب کو دنیا کے کونے کونے تک متعارف کروایا۔

مولانا الیاس قادری کی دعوت و ارشاد کا آغاز انفرادی طور پر فرد کی اصلاح سے شروع ہو کر معاشرہ وسماج کی تعمیر وترقی تک پہنچا ۔پھر معاشرتی تبدیلی میں دور رس اثرات مرتب کرتا ہوا عالمی افق پر 200سے زائد ملکوں میں اثر پزیر ہوا۔ اصلاح عقیدہ ، احیائے سنت، اخلاقی پاکیزگی ، فکری رہنمائی ،دینی تربیت، تعلیمی نظام ، انسانیت کی فلاح وبہبود اور منظم تربیتی نظام مولانا الیاس قادری کی دینی جدوجہد کے وہ بنیادی ستون ہیں جن پر آپ کی دینی کاوشوں کی عمارت قائم ہوئی ۔

اس ترقی یافتہ تہذیبی کشماکش کےدور جدید کا انسان جہاں منتشر خیالات کےساتھ فکری ، اخلاقی اور روحانی طورپر جمود کاشکار نظر آتا ہے ۔تووہیں مولاناالیاس قادری کی شخصیت سیرت ِ مصطفی کا عملی زندہ نمونہ بن کر جمود کا شکار انسان میں زندگی کی تازگی پیدا کرتی ہے۔آپ کی دینی جہدوجہد سے بخوبی اندازہ لگایاجاسکتا ہےکہ معاشرتی تبدیلی نہ تو جبرسے آتی ہے نہ محض نعروں سے ممکن ہوتی ہے بلکہ پائیدار تبدیلی کے اثرات اخلاق ، سنت رسول پر پابندی ،دینی حکمت عملی ، لگاتار دعوتی عمل اور تسلسل کےساتھ دعوت وتبلیغ سے معاشرتی تبدیلی کا عمل ممکن ہوتا ہے۔امیراہلسنت حضرت مولانا الیاس قادری کے ناقدین بھی آپ کی دعوت کےاستحکام اور دعوت عملی کے تسلسل کی داد دیئے بغیر نہ رہ سکے۔اس دور ابتلا ء کےتنقید پسند اور مذہبی رنگ میں دکھائے جانے والے اسکالر ز بھی گواہی دیتے ہیں کہ مولانا الیاس قادری نے سنت رسول پر عمل کے نظام کو نہ صرف دنیا میں قائم کیا ۔بلکہ معاشرتی طبقات کے مختلف گروہوں سے ایسے افراد تیار کئے جو درحقیقت دور سلف کی یاد تازہ کرتے ہوئے نظر آتے ہیں۔

مولا نا الیا س قادری کی ہمہ جہت دینی وسماجی،اخلاقی ، تعلیمی، روحانی اور فلاحی خدمات ہر دور کی نسلوں کےلئے فکری رہنمائی، تربیت کی عملی شکل ، اشاعت علم دین کی عملی صورت، احیائے سنت کی تعبیر اور متلاشیان علم وعمل کےلئے چراغ ہدایت کی حیثیت سے چکمتی دمکتی رہے گی۔بلاشہ امیر اہلسنت کی شخصیت کے معاشرتی اثرات نے معاشرتی تبدیلی میں جو کردار ادا کیا وہ مستقبل کی تاریخ انسانیت میں سنہرے حروف سے لکھے جائیں گے۔