مولانا الیاس قادری بطور داعی اور دعوت و تبلیغ کے اثرات

عربی زبان میں داعی کا مطلب دعوت دینے والا، پکارنے والا ہے،اس لفظ کا حقیقی ومعنوی مطلب موقع محل کے مطابق ظاہر ہوتا ہےلیکن اسلامی اصطلاح میں لفظ داعی اس شخص کےلئے زیادہ استعمال ہوتا ہے جو لوگوں میں دین کا شعور دلانے میں انہیں اسلام کی تعلیمات پر عمل کرنے کی دعوت دے۔یعنی داعی وہ شخص ہے جو دین، نیکی ،ہدایت ، اخلاق حسنہ کی طرف لوگوں کو بلائے۔اللہ تعالی نے اپنے آخری نبی حضرت محمد صلی اللہ علیہ وسلم کو داعیا الی اللہ کے خوبصورت خطاب دلنواز سے پکارا ہے۔داعی کا منصب حقیقت میں انبیا علیھم السلام کی میراث ہے اس لئے قرآن مجید میں بہترین شخص اسے قراردیا گیا جو لوگوں کو اللہ کی طرف دعوت دے اور وہ خود بھی اللہ کے احکامات کے سامنے سرتسلیم خم کرتے ہوئے اپنی دعوت کا عملی نمونہ پیش کرسکے ۔چنانچہ ارشاد بار ی تعالی ہے:’’ وَ مَنْ اَحْسَنُ قَوْلًا مِّمَّنْ دَعَاۤ اِلَى اللّٰهِ وَ عَمِلَ صَالِحًا وَّ قَالَ اِنَّنِیْ مِنَ الْمُسْلِمِیْنَ(۳۳) ‘‘ اور اس سے زیادہ کس کی بات اچھی جو اللہ کی طرف بلائے اور نیکی کرے اور کہے میں مسلمان ہوں۔۔ (پ24، حٰمۤ السجدۃ:33)

داعی کی اہمیت:

سور ہ حم السجدۃ کی آیت نمبر 33سے داعی کی اہمیت اور ا س کی بات کی صداقت عیاں ہوجاتی ہےکہ ایک داعی بطور مبلغ جو دین کی دعوت دے اور اپنے عمل کے ساتھ معاشرے میں اسلامی تعلیمات کا عملی کردار بھی پیش کرے تو اس کا مقام ومرتبہ اور اہمیت کتنی زیادہ اور اس کی بات بارگاہ صمدیت میں کتنی اہمیت کی حامل ہوتی ہے ا س کا اندازہ مذکورہ آیت سے واضح ہے۔وہ داعی جو اللہ پر ایمان لانے کی دعوت دےاوراللہ کے احکامات پر عمل کی ترغیب دلائے اس داعی کی دعوت اسی وقت مقبول ہوگی جب وہ خود بھی اللہ تعالی کی اطاعت گزاراور اس کے احکامات پر سختی سےعمل کرنے والا ہو۔

اکیسویں صدی کے مبلغ اسلام مولانا الیاس قادری کی شخصیت بطور داعی کا مذکورہ آیت کےتناظر میں نقّادانہ تجزیہ:

موجودہ صدی کے حالات وواقعات کےتناظر میں اگر دعوت اسلامی کے امیر مولانا الیاس قادری کی دعوت ِدین کے اثرات اورشخصیت کو حم السجدہ کی آیت 33 کے تناظر میں دیکھیں توآپ قرآن کے پسندید ہ داعی کی صورت میں تبلیغ اسلام کرتے ہوئے نظر آتے ہیں۔فساد امت کے پرفتن دور میں امت کی دینی باگ دوڑ سنبھا ل کر امت کو راہ ہدایت پر گامزن کرنے کےلئے پہلے خود اپنے آ پ کو اتباع سنت کا عملی نمونہ پیش کیا۔اوردعوت دین کے تمام اوصاف کو اپنے اندر مجتمع کرکے بطور داعی دینی جدوجہد آغاز کیا۔ پھر آپ کی دینی دعوت کے اثرات نے جب ماحول کو متاثر کیاتو از خود متبعین سنت رسول کا کارواں بنتا گیا۔اور مقبول خدا ہوکر لوگوں کے دلوں میں جگہ بناتے گئے ۔یوں آپ کی دینی دعوت کے ہمہ جہت اثرات دنیا میں پھیلے۔ناقدین اور نکتہ دان اس بات پر متفق ہیں کہ مولانا الیاس قادری نے حضور علیہ الصلاۃ والسلام کی ان سنتوں کو زندہ کیا جن پر عمل بلکل مفقود ہوچکا تھا ۔عوام و خاص میں ترک سنت کا رواج عام ہوچکا تھا۔چنانچہ مبلغ اسلام محمد الیاس قادری نے امت کو بھولا ہوا سبق یاد دلایا۔ علماکو دینی ذمہ داری کا احساس دلایااورسنت پر عمل کا ایک پریکٹیکل چارٹ پیش کیا ۔ یہ ہی وجہ ہےکہ لاکھ مخالفت کے باوجود مولانا الیاس عطاری کی شخصیت کوہر طبقہ میں اتباع سنت کے حوالے سے پذیرائی ملی۔ درحقیقت یہ خدا کا فضل وکرم اور اس کی خاص عنایت مولانا الیاس قادری پرتھی جنہوں نے اطاعت رسول اور احیائے سنت میں کسی مخالف کی مخالفت اور ناقد کی تنقید کو خاطر میں لائے بغیر اپنے مقصد ِتبلیغ کےساتھ جڑے رہے ۔اور مستقل مزاجی اور عمل پیہم کے ساتھ اپنی دعوت کو جاری رکھا ۔ ہر طبقہ متفق ہے کہ مولانا الیاس قادری بطور مبلغ اور داعی اپنی شناخت دنیا کے بڑے بڑےاہل علم و عمل کے طبقہ میں بنانے میں کامیاب ہوئے اور دنیا نے آپ کی دعو ت کو قبول کیا۔

دعوت دین میں الیاس قادری کا اسلوبِ دعوت و اندازِ تبلیغ: نرمی اور اخلاص

انداز تبلیغ اور اسلوب دعوت میں مولانا الیاس قادری نے رب العزت کے فرمان:’’ فَبِمَا رَحْمَةٍ مِّنَ اللّٰهِ لِنْتَ لَهُمْۚ-وَ لَوْ كُنْتَ فَظًّا غَلِیْظَ الْقَلْبِ لَا نْفَضُّوْا مِنْ حَوْلِكَ۪- فَاعْفُ عَنْهُمْ وَ اسْتَغْفِرْ لَهُمْ وَ شَاوِرْهُمْ فِی الْاَمْرِۚ-فَاِذَا عَزَمْتَ فَتَوَكَّلْ عَلَى اللّٰهِؕ-اِنَّ اللّٰهَ یُحِبُّ الْمُتَوَكِّلِیْنَ(۱۵۹)‘‘

تو کیسی کچھ اللہ کی مہربانی ہے کہ اے محبوب تم ان کے لیے نرم دل ہوئے اور اگر تند مزاج سخت دل ہوتے تو وہ ضرور تمہارے گرد سے پریشان ہوجاتے تو تم انہیں معاف فرماؤ اور ان کی شفاعت کرو اور کاموں میں ان سے مشورہ لو اور جو کسی بات کا ارادہ پکا کرلو تو اللہ پر بھروسہ کرو بے شک توکل والے اللہ کو پیارے ہیں ۔( ال عمران:۱۵۹) کوپیش نظر رکھا اور نرمی واخلاص کو اپنی دعوت کےستون بناکر دعوت وتبلیغ شروع کی،زبان کی سختی کی بجائے نرم وملائم لہجے ، شرینی زبان،محبت، پیار ،شفقت اور دل جیتے والے انداز خطاب اور مٹھاس بھرے دعوت وارشاد کےساتھ لوگوں کو سنتوں کا عامل بنایا۔

سختی ، ترشی، سخت گیر، لب ولہجہ میں غصیلا پن، مزاج کی خرابی ، تنقید برائے تنقید، غصہ ،ترچھا پن ، غفلت، لوگوں کو حقارت بھری نظر سےدیکھنا، اپنے سے دور رکھنا، امیر کو قریب غریب کو دور، بات بات پر جھڑکنا، غلطی پر ڈانٹا، گناہ پر عاردلانا وغیرہ وہ تمام عوامل جس سے لوگوں میں نفرت پیدا ہو مولانا الیاس قادری نے ان تمام اسباب وعوامل کو اپنے انداز تبلیغ اور اسلوب دعوت سے کوسوں دور رکھا بلکہ اپنے پروردہ مبلغین کو بھی سخت مزاجی اپنانے سے منع کیا کہ یہ عادات لوگوں کو دین دے دور کردیتی ہیں۔مولانا الیاس قادری امیر اہلسنت نے مبلغین کے نصاب میں بطور داعی کی خصوصیات پر خاص کام کیا اور اسلام کےتصور نرم مزاجی کو کتابی شکل میں بھی پیش کیا اور اپنی مشہور کتاب ’’نیکی کی دعوت‘‘ میں تمام اسالیب ومناہیجِ تبلیغ پر کاربند رہنے کےاصول مرتب کئے۔حضرت الیاس قادری نے اپنی دینی مساعی میں لوگو ں کے دل زبان کے ہھتیار سے نہیں بلکہ اپنے من موہنے اخلاق اور میٹھے لہجے سے جیتے ،آج آپ کے مریدین اور متبعین سنت کا جم غفیر آپ کی مٹھاس بھرے انداز کوسننے اور دیکھنے کےلئے للچاتا ہوانظر آتا ہے۔

انداز دعوت اور اسلوب تبلیغ میں مولاناالیاس قادری کی دینی کاوشوں میں دوسراہم پہلو اخلاص ہے جو امیر اہلسنت کو اپنے معاصر علمااور ممتاز دینی اسکالز میں ہر لحاظ سے اعلی مقام عطا کرتا ہے۔آپ نے کبھی نفس کی خواہشات یالوگوں میں شہر ت پانے کی کوشش نہیں کی۔بلکہ ریاکاری ،شہرت طلبی ، حب جاہ، نفس کے خواہشات کی تکمیل اور جاہ طلبی کے نقصانات پر فکر انگیز تحریریں لکھیں۔’’برے خاتمہ کےاسبا ب ‘‘ کتاب میں ان تمام رکاوٹوں کا ذکر کیا جو دین کی راہ میں مشکلات کا سبب بنتی ہیں ۔ مولاناالیاس قادری امیر دعوت اسلامی کے اخلاص پر مبنی بیانات نےسخت سے سخت دلوں میں مدنی انقلاب برپاکیا، دینی راہ میں آ پ کی للہیت بھرے جذبا ت نے قلب و روح میں دین پر عمل کے جذبہ کو بیدار کیا۔یہ مولانا الیاس قادری کا اخلاص ہےکہ آپ کی دینی دعوت کےاثرات مشرق ومغرب کے لوگوں کو دین کی طرف راغب کررہے ہیں، لوگوں کشاں کشاں عاشق صادق کےدیدار کی لذت پانے پروانہ وار دوڑے چلے آرہے ہیں۔ تحفہ وتحائف کی بھرمار ہے پر کبھی ان پر نظر نہیں جمائی فقط دلوں کی تسکین کا سامان پیداکیا، عمل کی رغبت دلائی، نیک بننے اور نیکی کی دعوت دوسروں تک پہنچانے کا ذہن دیا،کوئی کیسا بھی مجرم آیا گلے لگایا سینے کی کدورت دھوئی اور مبلغ بنا کر دین کی تبلیغ کا مسافر بنادیا۔مولانا الیاس قادر ی کے اخلاص کے ثمرات پاکستان سے باہر تقریبا 180 ممالک میں دعوت اسلامی دینی تحریک کی شکل میں نظر آتے ہیں۔

زبان، انداز، محبت، اور حکمت

دینی مسائل اور شریعت کےمطابق زندگی کےاحکامات جاننے اور ان پرعمل کی رہنمائی کےلئے دارالافتاء کا اجراکیااور مفیان کرام کو عوام الناس کی ذہنی سطح کےمطابق مسائل بتانےکی تلقین کی، تصنیف وتالیٖف کے شعبہ کی سنگ بنیاد کےوقت مقاصد تحریر میں الفاظ کےانتخاب میں آسان انداز کے ساتھ لکھنے کی ترغیت دلائی۔اور بطور مصنف خود جتنی بھی کتابیں تحریرکیں وہ سادہ انداز بیان کا منھ بولتاثبوت اورکثرت طباعت واشاعت کی دلیل ہے۔

مولانا الیاس قادری بڑے ہی محبت بھرے انداز کےساتھ جس کو مخاطب کرتے جو کہ وہ پہلے سے ہی گرویدہ ہوچکاتھا آپ کی مخاطبت پر پروانہ وار نثار ہونے لگ جاتا۔آپ چاہت ومحبت کےساتھ دلوں کو جیتے رہے اور آج بھی اگر آپ کے علمی مشاغل اور علمی نشست یعنی مدنی مذاکرہ کے تسلسل کو دیکھیں توحیرانگی ہوتی ہےکہ موضوع جتنا خشک مزاج ہو مولانا الیاس قادری بڑے ہی سادہ اور آسان انداز میں سمجھادیتے۔

امیر اہلسنت الیاس قادری نے دین کی تبلیغ میں کبھی کسی کی مخالفت نہیں کی اور نہ مذہبی گروہ بندی میں اپنے وقت کو ضائع کیابلکہ اپنےمقصد ’’مجھے اپنی اور ساری دنیا کےلوگوں کی اصلاح کی کوشش کرنی ہے‘‘ میں صلاحیتیں وقف کیں اور دینی تحریک دعوت اسلامی کو ایک منظم متحرک دینی تحریک کے طور پر مقبولیت عام کےدرجہ پر لائے۔

اپنے تو کجا غیر بھی مولانا کی دینی کاوشوں کو دل سے سہراتے ہیں اور حکومت وقت آپ کےانداز تبلیغ کو لوگوں کےسامنے مثال کے طور پر پیش کرتے ہیں۔آپ وہ نباض عصر ہیں جنہوں نے دعوت اسلامی کو دنیا میں متعارف کروانے میں دینی حکمت کو پیش نظر رکھا۔ اللہ کی ذات پر کامل بھروسہ کیا۔ رسول اللہ صلی اللہ علیہ وسلم کی محبت کو سرمایہ آخرت سمجھا اور آپ علیہ الصلاۃ والسلام کی اتباع واطاعت کو زندگی کی کامیابی قرار دے کر احیائے سنت کی عظیم تحریک کو دینی حکمت عملی سے دنیا کےاکثروبیشتر ممالک میں پہنچایا اور ایک مبلغ اسلام کےطور پر نمایاں ہوئے۔اسلامی شخصیات میں بطور مصلح امت تشخص پایا۔

گناہگارسے نفرت کی بجائے ان کی اصلاح کی فکر

اسلوب دعوت اور انداز تبلیغ میں موضوعات کا انتخاب: