عصر حاضر میں فہم حدیث کےفروغ میں مولانا الیاس قادری کی خدمت

دور ِ جدید میں سائنسی ایجادات، ٹیکنولوجی کی ہوش ربا ترقی ،مادی وسائل کی فراوانی نے جہاں انسان کی زندگی میں آسانیاں پیداکیں۔ ذرائع ابلاغ نے دوری کے فاصلے مٹادیئے۔لمبی مسافتیں گھڑیوں میں طے ہونے لگیں۔ وہیں انسانی اقدار کی اعلی مثالیں دم توڑ تی ہوئیں نظر آئیں۔شخصی زندگی سے معاشرتی حیات میں خیرسگالی کےجذبات کی بجائے ذاتی مفادات نے جگہ پکڑی اور انسان اخلاقی لحاظ سے زوال پزیر ہوا۔اخلاقی زوال کے ساتھ دور جدید نے مذہبی زندگی کو بھی بہت حد تک متاثر کیا۔اور دین اسلام کے خلاف ایک ناپاک سازش شروع ہوئی۔ ایسے فتنہ پیداہوئے جنہوں نے براہ راست فہم قرآن اور فہم حدیث پر رکیک حملے کئے۔کبھی قرآن کے بارے شکوک وشبہات میں پھیلائے تو کبھی حدیث کی حجیت اور اس کی تشریعی حیثیت پر حرف گیری کی۔تہذیبی یلغار کےاس دور پرفتن میں جہاں مادیت پرستی نے انسان کی زندگی کو مشینی بنادیا ہے وہیں مذہب ِ انسانیت کے امتیازات اور اسلام کی روشن تعلیمات جس سے انسان کو شرف وعزت ملی بہت بری طرح متاثر ہوئی۔ ان حالات میں قرآن وسنت کی بالادستی ، دین اسلام کے بنیادی ماخذ قرآن وحدیث کی حفاظت اور ان کی عالمگیر حیثیت کو قلمی واصلاحی جہاد کے ذریعے منوانے کی ضرورت کو پہلے سے زیادہ محسوس کیا جارہاتھا ۔اگرچہ علمائے حق نے اس پر بڑا علمی کام کیااور ہر فتنہ کا منھ توڑ جواب دیا ۔لیکن باطل کی قلمی وعلمی فتنہ انگزیوں کے مقابلے میں ایک ایسے پلیٹ فارم کی ضرورت تھی جہاں قرآن کےبعد حدیث کی عملی خدت اور احیائے سنت کےلئے بین الاقوامی سطح پر کام کیاجائے۔اس پلیٹ فارم سے حدیث کے فروغ میں کتابیں بھی لکھیں جائیں۔،علمی مذاکرے بھی ہوں اور حدیث وسنت کےاطلاقی پہلو پر بھی عمل کیاجائے۔ چنانچہ پندرہویں صدی ہجری کے اواخر اور اکیسویں صدی کے اوائل کے حالات کے تناظر میں جس شخصیت نے حجت حدیث اور فہم حدیث کےفروغ کےلئے انٹرنیشنل لیول پر قلمی ، علمی ،عملی اور اصلاحی جہاد کیا وہ حضرت الیاس قادری کی ذات ہے ۔جنہوں ذہنی وفکری انتشار کےدور جہالت میں قرآن وسنت کی بنیاد پر عالمگیر دینی واصلاحی تحریک کا آغاز کیا۔ مذہبی انتشار پھیلانے والوں کے باطل نظریات کی بیخ کنی کی۔ اور لاکھوں زندگیوں میں تہذیب مغرب کے مقابلے میں اسلامی انقلاب برپاکیا۔ فہم حدیث کو عام کرنے اورخدمت حدیث کے لئے ایک مضبوط منظم علمی تحریک کی بنیاد رکھی ۔ حالات اور وقت کی ضرورت کو مد نظر رکھتے ہوئےمولانا الیاس قادر ی نے خدمت حدیث کی گرانقدر مثالیں قائم کیں۔ اور سنت رسول کے عملی پہلو ؤں کومعاشرے میں اجاگر کیا۔مسلمانوں کے دلوں میں عشق رسول کی شمع فروزاں کی اور سنت نبوی پر عمل کرنے کا عملی اور قابل تقلید منہج فراہم کیا۔

• آقاکریم علیہ الصلاۃ والتسلیم سے والہانہ عقید ت محبت کا فروغ:

  خدمت حدیث میں مولانا الیاس قادری کے اصلاحی منہج اور اسلوب کی بنیاد محبت رسول ہے،آپ کی سوچ وفکر مکین گنبد خضرا کی محبت سےشروع ہوتی ہے اور خاک مدینہ پر قربان ہوجانے کی خواہش پر ختم ہوتی ہے ۔نس نس میں عشق رسول کا طوفان مچاہواہے،بات بات میں قا ل قال رسول اللہ کی صدائیں ہیں اپنے جذبہ عشق رسو ل کو دلوں میں اجاگر کرتے ہیں نظر کے جام پیلاتے ہیں اپنی اداؤں سے عشق رسول کی شمع جلاتے ہیں۔مولانا الیاس قادری کے جذبہ عشق رسول نے احیائے سنت رسول کی تحریک کی بنیاد رکھی ۔

• سنت رسول کی عملی اشاعت

  خدمت حدیث میں دوسرا اصلاحی پہلو جو مولانا الیاس قادری کی دینی دعوت کی مقبولیت میں نظر آتا ہے وہ سنت رسول کی عملی اشاعت ہے ۔آپ نے معاشرے کو صرف نظام تربیت نہیں دیاکہ بلکہ پہلے اپنے وجود کو سنت رسول کے سانچہ میں ڈھالا پھر ایک عملی کردار کے ذریعے لوگوں کو سنت رسول پر عمل کی دعوت دی یوں آپ کی تحریک سے احیائے سنت کا ماحول بناجس کے اثرات دنیا کے کونے کونے تک پہنچے۔

• سادہ انداز بیان:

  خدمت حدیث میں مولانا الیاس قادری نے جس اسلوب کو اپنایا وہ نہ صرف قابل تعریف ہے بلکہ آنے والے اہل قلم حضرات اور منبر ومحبراب سے تعلق رکھنے والے ائمہ وخطبا کےلئے قابل تقلید بھی ہے۔مشکل الفاظ،علمی مسائل کی پیچیدگیاں، دلائل سے بھر پور گفتگو سے کنارہ کشی اختیار کرتےہوئے عام فہم انداز بیان کےساتھ لوگوں سے خطاب کرتے،بہت ہی سادہ اور سمجھ میں آنے والے اسلوب کےساتھ بات کرتے ہیں ،گفتگو سے زیادہ اشارہ کےساتھ عمل کی ترغیب دلاتے۔احادیث کےبیان میں عقل میں آنے والی مثالیں دیتے تاکہ سننے والے کی دل میں بات پیوست ہوجائے۔

• سنت کی تربیت کا عملی نظام:

  مولانا الیاس قادری نے سنتوں پر عمل کرنے اور اصلاحِ نفس کے لیے ایک منظم اور مؤثر نظام وضع کیا ہے، جس میں درج ذیل اہم اجزاء شامل ہیں:

  مولانا الیاس قادری نے خدمت حدیث میں جس منہج کو سب سے زیادہ فوقیت دی وہ آپ کا نظام تربیت ہے،ایک منظم مرتب مر بوط نظام بنایا۔ زندگی معمولات کو سنت کے مطابق ادا کرنے کےلئے اعمال کا جائزہ مرتب کیا۔صبح وشام اسوہ رسول کے مطابق گزارنےکےلئےفاروق اعظم کی سنت کے مطابق محاسبہ کےنظام ترتیب دیا۔ عملی طریقہ وضع کیا اور اجتماعات کےبعد انفرادی اور اجتماعی صورتوں میں سنت رسول ادا کرنے کی عملی تربیت دلائی،نظام مصطفی اپنی تحریک میں نافذ کیااور دنیاکو عملی نظام مصطفی کی بنیاد فراہم کی۔

• سادہ عام فہم:معاصر علما کے مقابلہ میں سادہ عام فہم اور قابل عمل ان کا منہج عام لوگوں کے لیے آسانی سے قابلِ فہم ہے۔

• عملی پہلو: روایت حدیث میں مولانا الیاس قادری کا اسلوب روایتی نہیں بلکہ اطلاقی یعنی عملی ہے ۔صرف باتوں تک یا بیان تک محدود نہیں بلکہ پریکٹیکل سنت کی ترویج کا نظام ہے۔

• معتدل ومتوازن :بیان حدیث اور خدمت حدیث میں معتدل اور متوازن ہے ایسا پہلو جس سے ظاہر وباطن کی اصلاح ہو ۔

• اثر انگیزوفکر انگیز: خدمت حدیث میں مولانا الیاس قادری کے منہج کی سب سےبڑی خصوصیت اثر پزیر ی ہے جس کو بھی حدیث سناتے دل میں بات خود بخود اترجاتی اور فکر انگیزی ایسی کہ سنت رسول پر عمل کی تحریک پیدا ہوجاتی یوں آپ کی خدمت حدیث کے رجحانات نے عالمی سطح فہم حدیث کا شعور بیدا رکیا۔

• جامع مکمل نظام تربیت: مولانا الیاس قادری کاایک اور اہم منہج حدیث قابل تعریف ہے کہ آپ نے ہر شعبہ میں احیائے سنت کا نظام متعارف کیا جو عقائد، عبادات، اخلاقیات ، معاملات ، لین دین، اورالغر ض زندگی کے تمام شعبہ جات کا احاطہ کئے ہوئے ہے۔