امیر اہل سنت کا اسلوبِ دعوت دین

دعوت دین میں اسلوب کی اہمیت کیوں؟

کسی بھی مفروضہ کو ثابت کرنے یا کوئی بات دلوں میں راسخ کرنے کےلئے بات میں سچائی اور زبان میں مٹھاس کی تاثیر کا ہونا ضروری ہوتا ہے۔دعوت کو پیش کرنےکاانداز اور طریقہ دلوں کو بہاتا ہے ۔اور اگر بات دعوت دین کی ہو تو دین کی دعوت دینے میں داعی کا کردار اور انداز بہت اہمیت کا حامل ہوتا ہے۔ جیساکہ سیرت رسول صلی اللہ علیہ وسلم کے مطالعہ سے پتا چلتا ہےکہ آپ علیہ الصلاۃ والسلام نے کس طرح دلوں پر حکومت کی۔ قرآن کےانداز بیان کو اپناکر حکمت ،دانائی ، معاملہ فہمی اور لوگوں کی نفسیات کو پیش نظر رکھ کر پہلے عقیدہ توحید کو دلوں میں راسخ کیا۔پھر نیکی کی دعوت کا سلسلہ شروع ہوا۔ یوں دعوت دین کا سلسلہ اللہ کےآخری نبی صلی اللہ علیہ وسلم کی ظاہری حیات پر دین کے مکمل ہونے کےساتھ پائے تکمیل تک پہنچا ۔پھر صحابہ اور پھر تابعین وصالحین نے دعوت دین کی اشاعت میں مختلف اسالیب اخیتارکئے ۔ عصر حاضر میں مولانا الیاس قادر ی کی دعوت دین کے اسلوب کی کامیابی کے کئی پہلو منظر عام پر ظاہر ہوئے ۔ جس تیزی کےساتھ عصری ترقی کے تقاضوں کو پورا کرتے ہوئے دنیا کے 150 ممالک تک دین کے احکام و پیغام کو پہنچایا یہ مولانا الیاس قادری کا طرۂ امتیاز ہے جوانہیں معاصرین علما میں ممتاز کرتا ہے۔

دعوت دین میں منہج اسلاف کےجدید دورکا آغاز

مولانا الیاس قادری نے دعوت ِ دین میں اسلاف کے طریقہ کو دور حاضر کے تقاضوں سے ہم آہنگ کرکے تبلیغ دین میں ایسا کردار ادا کیا معاصرین بھی داد دئے بغیر نہ رہ سکے ۔ درحقیقیت عصرحاضر میں مسلمانوں کو جہاں کئی چیلنچز اور مشکلات کا سامنا کرنا پڑ وہیں علمائے اسلام کو دور جدید کےتقاضوں کو پوراکرتے ہوئے دعوت دین کی تبلیغ واشاعت میں مشکلات پیش آئیں ۔دین کی حفاظت ا ور تبلیغ دین کے تناظر میں فساد امت کی حالت نے علمائے حق کی ذمہ داریوں دوچند اضافہ کردیا ۔ضرورت پیش آئی کہ کس طرح امت کی کشتی کو پھر سے ساحل آشناکیاجائے۔ اس شش وپنج کے دورمیں قدر ت کی کرم فرمائی سے مولانا الیاس قادری نے تبلیغ کے نئے دور کا آغاز کیا ۔آپ شاید دنیاوی تقاضوں سے واقفیت بھی نہیں رکھتے تھے ۔ لیکن بعطائے الہی سے تبلیغ دین میں ایسے جدید اسلوب کو اخیتارکرکے دعوت دین کا پیغام دنیا کے کونے کونے تک پہنچانے میں کامیاب ہو ئے کہ عقل دنگ رہ گئی۔حاسدین ششدر ہوگئے۔ ناقدین کےناطقے بند ہوگئے۔ اور دین کی ہمہ گیریت اور دعوت دین کے اثرات نے دنیا کی توجہ اپنی جانب مبذول کردی۔

مولانا الیاس قادری اکیسویں صدی کی نامورشخصیت

دعوت دین میں مولانا الیاس قادری کےاسلوب کا تعارف

نبی کریم ﷺ کےاسلوبِ دعوت کا تسلسل

حضرت الیاس قادر ی نے سیرت نگاروں کے عمومی مزاج سے ہٹ کر سیرت رسول کی عملی تعبیر رسول اللہ کےاسوہ حسنہ پر عمل کرکے پیش کی۔ مولانا الیا س صاحب نے دعوت دین کےآغاز میں ایسے لوگوں کاانتخاب کیا جو جوانی کی دہلیز پر پہنچ کر بدی کےراستے پر چل رہے تھے ۔اتنہائی پیار ،للجاجت سے نیکی کی دعوت دینی شروع کی ۔ فکر آخرت کی سوچ دیکر، گناہوں سے نفرت دلاکر جنت کی راہ چلانے کےلئے ذہن دیا ۔نبی کریم صلی اللہ علیہ وسلم کے اسلوب دعوت دین پر عمل کے تسلسل کو برقراررکھنے کےلئے نرمی کےساتھ احیائے سنت کےلئے ذہن سازی کی اور عملی طور پر خود سنتوں کے عامل بن کر لوگوں بھی سنتیں اپنانے کی ترغیب دلائی۔

مولانا الیاس قادری نےہر دوروالے کواپنے سے قریب کیا ۔محبت کےبھر پور جذبات کےاظہار کےساتھ اقامت صلاۃ کی دعوت عام کی۔نماز کے قریب کرنے کےلئے نماز کی برکتیں سنائی۔ اور مساجد کی رونقین آباد کی۔ نرمی سے برائی کے راستہ سے ہٹا کر اصلاح کی طرف مائل کیا۔کوئی ایک نیک کام کرتا تو وسعت قلبی سے حوصلہ افزائی کرتے ۔یوں حضرت الیاس عطار ی صاحب نے تبلیغ دین کی تحریک دعوت اسلامی کےذریعے اصلاحی پیغام دنیا میں عام کیا۔

مولانا محمد الیاس صاحب نے کمال خوبی سے دعوت دین دلوں میں راسخ کرنے کےلئے ایمان کی حفاظت کاذہن دیا ۔ نیکی کے راستہ پر چلنے والوں کو گناہوں کے عذاب سے چھٹکار ا پانے پر انعامات کی نویدیں آیات قرآنی سے سناسناکر جذبہ نیکی پروان چڑھایا۔ بیان کی تاثیر سے متاثر ہوکر کوئی دنیا پرست گناہوں سے آلود مجلس میں آتاتو خصوصی شفقت کا اظہار فرماتے۔ باتوں باتوں میں توبہ واستغفار کےفضائل سنا کر دل میں اچھائی کرنے کی چاہت پیداکرتے۔آپ نے کبھی کسی بد کار کو اس کے ماضی کی حالات یاد دلاکر عار نہیں دلائی بلکہ ہمیشہ نیکی کی راہ کو مضبوطی سے پکڑ نے کےلئے نیک اعمال کرنے کا شیڈول کتابچہ کی صورت میں پیش کیا۔ جب بھی کوئی برائی کا سوچے تو فورا دل میں محاسبہ کا خیال گناہ سےروکنے کا سبب بن جائے۔ یوں مولانا الیاس قادری کےدعوت دین کےاسلوب میں سب سے نمایاں منہج تبلیغ گناہگاروں پر شفقت اور گناہ سے نفرت ہے۔

حضرت مولانا الیاس قادری کےاسلوب دعوت دین میں ایک اہم اور قابل ذکر پہلو عوامی رجحانات اور ان کے ذہن کے مطابق دعوت دین کے اسالیب کا اختیار کرنا ہے ۔آپ نے عربی مقولہ ’’ لوگوں کی عقلی صلاحیت کے مطابق بات کی جائے‘‘ کےاصول کوکماحقہ اپنایا اور انتہائی سادہ مزاجی اور عام فہم انداز بیان ،بلکل عوامی انداز گفتگو کو اپناکر پیار آقا صلی اللہ علیہ وسلم کی محبت کے جام پیلائے اور عشق رسول کے متوالے بنائے۔ اپنے بیانات میں الفاظ کا انتخاب اتنا سادہ اور عام فہم اپنا یاکہ بات دل میں خود بخود اتر جائے ۔کتابیں لکھیں تو قاری کی آسانی کےلئے مشکل الفاظ پر اعراب بھی لگادیئے تاکہ پڑھنے میں کوئی دقت نہ ہو۔حضرت کا ایک کمال اسلوب تبلیغ فقہی ذہن کےمطابق مسائل کو آسان انداز میں بیان کرنا بھی ہے۔آپ نے لوگوں کی عادات اور رسم ورواج میں جو شریعت کے خلاف باتیں تھیں بڑے خوبصورت انداز کےساتھ ان غیر شرعی رسم ورواج کے عمل کو سائٹی سے نکالا اور جائز شرعی دینی تہوار منانے کا رواج ڈالا۔

بانی دعوت اسلامی نے دعوت دین کے اسلوب کو صرف وعظ ونصیحت تک محدود نہیں کیا۔عملی تربیت کا پہلو اختیار کیا۔صبح وشام کے معمولات میں لوگوں کی آمد ورفت سے فائدہ اٹھایا اور انفرادی طور پر اصلاح نفس اور تزکیہ نفس کرکے ظاہر ی وباطنی اصلاح کی۔کھانے کی نشست، ملاقات کےدوران ، سفر وحضرمیں، اٹھنے بیٹھے ، گفتگو میں ،استراحت اور قافلوں میں نیکی کی دعوت کےدوران ہر موڑ پر تربیت کا انداز اپنایا۔لوگوں کےسامنے سنتوں کواپناتے اور دوران محفل غیر محسوس طریقہ سے شرکاء کی اصلاح کرتے۔سیرت طیبہ ، احادیث مبارکہ، فقہی مسائل ، اخلاقیات، تصوف کو عمل کے کردار سے بیان کرتے۔گفتگو سے زیادہ اشاروں میں باتیں کرتےتاکہ غیر ضروری باتیں بھی نہ ہوں۔اسطرح اصلاح احوال اور مجموعی طورپر لوگوں کی تربیت کےلئے ہر نماز کے بعد مختصر بیان ہوتا۔ہفتہ وار اجتماع ،انفرادی سطح پر ملاقات کے دوران اور پھر شریعت وطریقت، علم ومعرفت، تعلیم وتربیت کی سب سے بڑی علمی مجلس بنام مدنی مذاکرہ میں تو براہ راست شرکاء اور مدنی چینل کےناظرین کےسوالات کے جوابات دیتے اور نبوی اسلوب تبلیغ کےمطابق دل جیتے لیتے۔مدنی مذاکرہ کا تسلسل آپ کی اصلاحی، تربیتی ،تعلیمی ، تنظیمی ، نظریاتی اور دنیا کے علوم ومعارف کی اشاعت کا منھ بولتا ثبوت اور انداز تبلیغ کی سب سے بڑی مثال ہے۔جہاں بھر کا علم ،کتابوں کےانبار، علمی موشگافیاں ، علمی نکتہ دانیاں، فقہی مسائل، دینی باتیں، اسلامی تہواروں کی روایتیں سب کچھ مدنی مذاکرہ کی مختصرسی نشست میں بیان کیاجاتاہے ۔ درحقیقت تشکیک والحاد کی وادی میں سرگرداں پریشان لوگوں کی اصلاح کا بہترین ذریعہ مدنی مذاکرہ کا سلسلہ ہے۔

دعوت دین کے میدان میں جس طرح اکابر علمانے عوام میں دینی جذبات ابھارنے کےلئے مختلف ادوار میں کتابیں،رسائل، عملی تربیت کی نشستیں، تصوف کے سلوک اور طریقت کے مختلف اسالیب اختیار کئے ۔مولاناالیاس قادری نے ماضی کے دینی محرکات اور حال کے حالات اور مستقبل کے چیلنجز کو سامنے رکھ کر دعوت دین کی راہ میں ایسی تحریکات کا وجود متعارف کرویاا جو شاید پہلے کسی نے اپنا یا نہ ہو۔دینی جذبات میں تلاطم لانےکے لئے ’’ایمان بچاؤ تحریک‘‘ ’’سنتوں پرعمل کا شعور ‘‘ ’’محاسبہ نفس کےلئے نیک اعمال کاجائزہ‘‘ ’’مساجد کی آباد کاریاں ‘‘ ’تلاوت قرآن کےلئے یوم تلاوت قرآن ’‘‘ ’’قرآن سے تعلق جوڑنے کےلئے فیضان قرآن مساجد کی تعمیرات‘‘ ’’عوام الناس میں تبلیغ دین کےلئے چوک درس ‘‘ ’’تعلیم قرآن عام کرنے کےلئے حلقہ قرآن‘‘ ’’ علم دین کےلئے جامعات المدینہ‘‘’’ تجوید وقرأت کےلئے مدارس المدینہ‘‘ ’’آئن لائن کلاسسز کا اجرا‘‘ ’’دینی کتابوں کے مطالعہ کا شعور دینے کےلئے ہفتہ وار رسالہ کی اشاعت اور کارکردگی کا جائزہ‘‘ ’’ناچاقیاں دورکرنے کےلئے محبت بڑھاؤ تحریک ‘‘او ر بہت سے محرکات عمل کا تعارف جو دعوت اسلامی کے پلیٹ فارم نظرآتے ہیں وہ سب مولانا الیاس قادری کے دعوت دین کے اسلوب کی مثالیں ہیں۔

معاشرتی و سماجی ماحول اور بین الاقوامی سطح پر دعوت اسلامی کی مقبولیت اور افادیت و اہمیت کا اندازہ دینی کاموں کی بہتات سے بخوبی لگایاجاسکتا ہے دین پر عمل کے جو مختلف محرکات مختلف صورتوں میں جگہ بجگہ نظر آتے ہیں وہ سب دعوت اسلامی کے بانی حضرت الیاس قادری کی دعوت دین کے اسلوب کی جھلک کے مظہر ہیں۔ امیر دعوت اسلامی نے اپنے دعوت دین کے اسلوب میں عملیت اور جدت کو اپنا یااور ایک ایسا اصلاحی نظام قائم کرنے میں کامیاب ہوئے جہاں صرف شریعت کی بالادستی نظر آتی ہے ۔شریعت کے اصولو ں کی مکمل پاسداری اور احکام شریعت کو بیان کرنے اور اپنی عملی زندگی میں نافذ کرنے کی تحریکات بھی مولانا الیاس قادری کی دینی دعوت کی کامیابی کا ثبوت ہے۔آپ کے انداز گفتگو ، پرتاثیر بیانات، علم وعمل پر مبنی مدنی مذاکرہ، شریعت پر عمل کا ذہن بنانے والے اسباب تبلیغ اور اسلوب دعوت کی عملی تعبیر نے دعوت اسلامی کے اثرات کو معاشرہ وسماج سے نکال کر دنیا کے کونےکونے تک پہنچادیا۔ سنت نبوی کی عملی خدمت دعوت اسلامی کا سب سےبڑا کارنامہ ہے اور اس کارنامہ کاسہرا مولانا الیاس قادری کےسر پرسجتا ہے۔

مولانا الیاس قادری کی دعوت دین کےاسلو ب کی کامیابی کےاثرات

عصر حاضر کی معروف دینی شخصیات میں مولانا الیاس قادری وہ نابغہ روز گاز شخصیت کےطور پر منصہ شہود پر ظاہر ہوئےجنہوں نے اس ترقی یافتہ دور میں دعوت دین کو موثرترین اندا ز میں عام کیا۔

دعوت دین کے جدید اسالیب اور دور حاضر کےتقاضے پوراکرتا دعوت اسلامی کا دینی پلیٹ فارم اور نظام تنظیم کا نظم وضبط ، دعوت دین کا پھیلاؤ، نیکی کی دعوت عام کرنے کےلئے شعبہ جاتی وادارتی خدمات ، میڈیا اور جدید ذرائع ابلاغ ،انفارمیشن ٹیکنولوجی کے ساتھ دینی خدمات مولانا الیاس قادری کی دعوت دین کے تجدیدی کام ہیں۔

مذکور بالا تمام اسباب جو مولانا الیاس قادری نے نیکی کی دعوت عام کرے میں اختیار کئے اورٹھوس بنیادوں پر دعوت اسلامی کے نیٹ ورک کا قیام اور دین کا کام شریعت مطاہرہ کے تمام تر تقاضوں کے مطابق دنیا کے 150سے زائد ممالک میں نظر آنا سب کچھ آپ کی دعوت دین کے اسلوب کے اثرات کا مظہر ہیں۔